حمو بيكا: شروط الموسيقيين لاعتماد المطربين باطلة.. وباخد 7 آلاف دولار في الحفلة
قال مطرب المهرجانات الشعبية حمو بيكا إن شروط نقابة المهن الموسيقية لاعتماد المطربين باطلة، مؤكدًا أن إيقافه من النقابة ما هو إلا ظلم وافتراء من النقابة.
تصريحات حمو بيكا ببرنامج مصر جديدة
وقال حمو بيكا، خلال لقائه مع الإعلامية إنجي أنور ببرنامج مصر جديدة: شروط نقابة الموسيقيين لاعتماد المغنيين باطلة، لأنك لما تدي بتوع مطربين المهرجانات في مصر كلها كارنيهات وتيجي تقولي أنت مابتعرفش تغني، يعني إيه فرقة صواريخ والمدفعجية وشحتة كاريكا وأوكا وأورتيجا وويجز وعلي قدورة والفيل وعنبة وموزة معاهم كارنيهات وأنا لا.
وأضاف حمو بيكا: اتصلت بأستاذ حمادة أبو اليزيد وأستاذ أحمد رمضان قولتلهم أنتوا بتفتروا عليا والرد يقولولي بص أنت بتتكلم إزاي، أنا مش بطولي أنا ورايا ناس، عندي مرتبات لناس كل شهر بـ100 ألف جنيه، لو لوحدي أنا هعيش سلطان زماني، أنا باخد بـ7 آلاف دولار أو 8 آلاف دولار في الحفلة برا مصر، لو نيجي نحسبها مش هنلاقي إني باخد حاجة، عندي أزمة مادية، وأنا بفتح باب رزق بلقمة عيش تانية لناس تانية وبفتح دلوقتي 3 مطاعم.
وتابع حمو بيكا: أصل أنت مش ربنا وأنت عبد زي ما أنا عبد واللي خلاك تتحكم فيا إن ربنا مديك سلطة، بس أنت بتستخدمها غلط، أنا عايز أعرف إزاي يبقى فيه 13 شخص كانوا ممنوعين، ويتشكلهم لجنة في طنطا وامتحنوا ونجحوا.
