فريال يوسف: ندمانة على مسلسل أسرار مع نادية الجندي.. ومفيش خلاف مع هند صبري

قالت فريال يوسف، الفنانة التونسية، إنها تندم على مسلسل أسرار مع الفنانة نادية الجندي، لعدم تقديرها ماديا.

ندمت على مسلسل أسرار

وأضافت فريال خلال برنامج واحد من الناس، المذاع عبر شاشة الحياة، والذي يقدمه الإعلامي عمرو الليثي:  ندمت على مسلسلات عملتها، أهمهم مسلسل أسرار مع نادية الجندي.

وتابعت: أنا كنت بتعب جامد في التصوير، وفي الآخر أخدت نص أجري، وده تعبني جدًا بعدها بفترة.

وواصلت: لم أندم على فيلم خطوط حمراء، وحصلتُ لى جائزة على دوري به في مهرجان القاهرة السينمائي.

واستكملت: في معجب كسرلي عريبتي، عشان رفضته، وكان رجل أعمال كبير، وعملته محضر بعدم التعرض.

مفيش خلاف بيني وبين هند صبري..بحبها

وأضافت: مفيش خلاف بيني وبين هند صبري، هو سوء تفاهم، هي عارفة إني زعلانة منها، وعارفة إني بحبها وبحترمها، وجارتي في تونس، وجارتي في المعادي.

وأردفت: بقول لهند انتي إنسانة رائعة، بس الأنا عندنا احنا الاتنين صعبة شوية، لكن الموضوع هيخلص وهيتحل، والمودة هترجع أكيد.

وأكدت على أن هناك أعمال جديدة لها خلال الفترة القادمة، خاصة للمسلسلات الـ 15 حلقة.

وتابعت: أنا فركشت فرحي قبله بـ 3 شهور، بسبب خيانته، هي  كانت خيانة عابرة واكتشفها قبل فرحي بـ3 شهور، وكان فستاني جاهز، وكل حاجة جاهزة. 

وواصلت فريال: الموضوع كان دمار شامل بالنسبة لي، في أواخر 2014، واستمريت نفستي متأثرة لحد 2016.

فريال يوسف: حصلي حادثة بسبب حصان زي حورية فرغلي.. وراضية بقضاء ربنا