حمو بيكا: بدفع 15 ألف جنيه للمهن الموسيقية وباخد 2000 بس.. ورفعت قضية على النقابة كلها
تحدث مطرب المهرجانات الشعبية حمو بيكا عن أزمته مع نقابة المهن الموسيقية والظلم الذي يتعرض له، مشيرًا إلى أنه يدفع مبلغًا للنقابة لا يساوي المبلغ الذي يأخذه في الإيصال.
وقال بيكا خلال لقائه مع الإعلامية ياسمين عز، في برنامجها كلام الناس، المذاع عبر شاشة mbc مصر: أنا بدفع 15 ألف جنيه لـ نقابة المهن الموسيقية وباخد 2000 جنيه بس في الإيصال اللي بستلمه، ورفعت قضية على النقابة كلها وقضية كبيرة ولازم أوصل صوتي للناس أني مظلوم.
وواصل بيكا: المرة الجاية هقول كل أسامي الناس اللي ظلمتني ولسه بتظلمني، حرام عليكو أنا تعبت وهموت وهتجنن، وصرخت للي خالقني هو وكيلي ويكشف الظلم والفساد.
وأضاف حمو بيكا: والمصحف ما باخد جنيه، وبطلع أوردرات ببلاش من النقابة، ومش بتكلم عشان عايز آكل عيش ولو اعترضت هيقولوا متشتغلش خلاص، وأشتكي لـ مين؟ أنا معنديش حد أشتكي له غير ربنا.. ومقدرش أقول أنا دا أجري مقدرش أعمل كدا.
آخر أعمال حمو بيكا
والجدير بالذكر أن حمو بيكا طرح آخر أغانيه والتي تحمل اسم يا جوزها بالتعاون مع حمادة الأسمر، ونالت الأغنية إعجاب محبي المهرجانات الشعبية، إذ تخطت حاجز الـ 270 ألف مشاهدة منذ طرحها على موقع الفيديوهات يوتيوب.
كما طرح مهرجانًا شعبيًا بعنوان مولود مع العفاريت، بالتعاون مع حسن عبد الوهاب، ومن توزيع فيجو، وكسر المهرجان حاجز الـ 180 ألف مشاهدة منذ طرحها على موقع الفيديوهات يوتيوب.
