قاعد مستني الموت وعارف إني هموت في الشارع .. معاناة تامر ينزف على أرصفة شارع فيصل
كشف مواطن يدعى تامر رمضان، عن معاناته بسبب تشرده على أحد أرصفة شارع فيصل في محافظة الجيزة، حيث أنه يعيش في المكان الذي تتجمع به القمامة.
أُصيب في عام 2009 بـ مرض الدوالي
وقال المواطن تامر رمضان، إنه أُصيب في عام 2009 بـ مرض الدوالي ووقتها كانت حالته الصحية متدهورة بشكل كبير، لذلك توجه إلى إحدى المستشفيات وهناك أعطاه أحد الأطباء حقنة من أجل علاجه، ولكن ساءت حالته أكثر بعد أن أخذ تلك الحقنة.
العملية تكاليفها 27 ألف جنيه
وتابع حديثه: أخدت الحقنة بس تعبتني أكتر وخلتني قاعد مش قادر أتحرك من مكاني، وبعد كده قالوا لي إني لازم أعمل عملية وأركب دعامة، والعملية دي كان تمنها 27 ألف جنيه، قولت مش مشكلة هعملها على نفقة الدولة عشان أنا مش معايا المبلغ ده، وساعتها كنت عايش مع والدتي، وهي اللي كانت بتصرف عليا من معاش الدولة.
تكفل أحد الأشخاص بمصاريف العملية
كما أوضح المواطن تامر رمضان، أنه أجرى العملية الجراحية بعد أن تكفل أحد الأشخاص بجميع مصاريفها، لافتًا إلى أنه لم يستطع أن يمشي بشكل طبيعي بعد أن أجرى العملية الجراحية، وقال: أنا ناقصني إني أقف على رجليا، وبعد ما والدتي اتوفت صاحبة البيت مشتني والشارع بقى مكاني، وبشتري شوية مناديل وأبيعهم عشان أجيب أي فلوس أصرف بيها على نفسي، وكمان أنا عندي جرح مش بيخف من 2010 وكل يوم بتعب أكتر وأكتر وماليش حد غير ربنا، وأديني قاعد مستني الموت وعارف إني هموت في الشارع.
