إلهام شاهين: كنت خجولة وضعيفة ومش باكل خالص ولحد دلوقتي مش بعرف أكدب |فيديو
أكدت الفنانة إلهام شاهين، أنها كانت شخصية خجولة جدًا، وتغيرت شخصيها بشكل كبير بسبب عملها في الفن منذ الصغر واعتمادها على نفسها.
وأضافت خلال لقائها في برنامج حبر سري تقديم الإعلامية أسما إبراهيم عبر قناة القاهرة والناس، لما كبرت بقيت مواجهة أوي، وكل تاريخ حياتي مافيهوش حاجة اتكسف فيها ومسميني قطر وبدخل في أي حد وشخصيتي اتغيرت.
وأوضحت: قبل ما ادخل الفن كنت تربية راهبات وعلمونا بروتوكولات في التعامل مع الحياة، بالإضافة أني كنت منطوية وبخاف من الناس والمجتمع وكنت رافضة الأكل وأخد الأكل واحطه في الدرج وكنت رفيعة جدًا واخدت خرز البقر عشان أتخن.
شغلي في سن صغير واعتمادي على نفسي قوى شخصيتي
وعن سبب تغير شخصيتها، قالت: الفن وشغلي في سن صغيرة واعتمادي على نفسي ودخولي في معارك قوية بدري قوى شخصيتي وإلا كنت هضيع، لأني كنت ضعيفة وبنهار وطول الوقت بعيط.
وأكدت: لكن طول عمري باخد حقي ومش بسكت لحد واللي بيدوس لي على طرف بدخل فيه مابيهمنيش، وده بسبب أسلوب التربية اتعودت أني اخد حقي ووالدي هو اللي علمني ده لأنه خريج حقوق وصريح بشكل قوي والعيلة كلها بتخاف منه وبتعمله الف حساب، عشان كده بقيت صريحة وواضحة ومش بعرف أكدب ولو كدبت وشي يحمر عشان كده قررت ما أكذبش طول حياتي عشان ما تحطش في الموقف ده ولحد السن ده مش بعرف أكدب.
