أحمد كامل عن منتقدي مطربي الراب: عمرو دياب اتهاجم في بداياته
دافع الفنان أحمد كامل عن مطربي الراب، بعد الانتقادات التي تعرضوا لها في الفترة الأخيرة، مشيرًا إلى أن الفنان عمرو دياب في بدايته؛ كان يُهاجم بشكل كبير، ولكن الآن أصبح هو الهضبة، وأسطورة من أساطير الفن.
وتحدث أحمد كامل عن أزمة مطربي الراب، خلال بث مباشر له، عبر حسابه الشخصي بوقع تبادل الصور والفيديوهات القصيرة إنستجرام، قال فيه: في نجوم قيمة وقامة في الفن، بيتكلموا عن الراب كأنه مش فن.. الراب له جمهوره حتى لو قليلين.. أنت متعرفش يعني إيه راب، كل واحد عنده معلومة يحتفظ بيها لنفسه.
أحمد كامل
وتابع أحمد كامل: عمرو دياب بنفسه اتهاجم في بداية مشواره الفني، وظهر في أكثر من لقاء، وقال إنه اتهاجم، منها لقاءات مع مفيد فوزي وغيره من الإعلاميين والصحفيين، لكن الآن هو عمرو دياب - الهضبة.
وأضاف أحمد كامل: كل اللي مضايقني أن الراب بقا نسخة من برا، كان كل خوفي أن الراب يموت وده مش هيحصل، ومحدش يقدر يوقفه، أنا ناجح في منطقتي، ومش محتاج آخد من نجاح حد.. احنا جامدين، ومش مهتم برأي بني آدم على وجه الأرض.
تصريحات أحمد كامل
واستكمل الفنان أحمد كامل: أكثر رابرز بحبه هو ويجز، هو في مكان تاني خالص، الواد بيتعب وضحى بحاجات كتير أوي، عشان يعمل كرير ويشرّف أهله، ويثبت للناس أنه مافشلش، وأنا بصحى كل يوم بسمع راب وبتابع، تراك ويجز جامد، وهو بيكتب حلو، والراب مش صوت.
