مابتعكسش في الشارع ولست من النوع اللي هشد وأنفخ.. أبرز تصريحات حورية فرغلي ببرنامج حبر سري
فن
حورية فرغلي
حلت الفنانة حورية فرغلي، ضيفة في برنامج حبر سري، الذي تقدمه المذيعة أسما إبراهيم، وعرض أمس الجزء الأول من الحلقة عبر شاشة قناة القاهرة والناس، ومن المقرر عرض الجزء الثاني من الحلقة مساء اليوم.
ويرصد لكم القاهرة 24 أبرز تصريحات الفنانة حورية فرغلي في برنامج حبر سري:
- عندي 2 أخوات، واحدة شقيقة والثانية من أم أخرى، أختي اللي مش من نفس الأم أنا معرفش حاجة عنها هي اللي قاطعتني.
- أختي كانت بتتكلم عليا كلام مش كويس، ممكن يكون في غيره من ناحيتها ومعاشرتها صعبة.
- مفيش خلاف بيني وبين فيفي عبده، أنا بموت فيها ودايما بتتصل تطمن عليا، وبنتها عزة صاحبتي.
- في الأول كنت خايفة لما كنت رايحة أصور مع فيفي عبده ولكن طلعت ست جدعة وجميلة.
- معنديش خلاف مع روبي بسبب مسلسل دون ذكر أسماء، وقولت لها مبتوضحيش ليه الحقيقة قالت لي أهو دعاية للمسلسل.
- محمد رجب، ممثل هايل ومختلف عن كل الناس وبيختار أدواره بطريقة معينة، معرفش هو مبيعجبهوش أي ورق، اللي ناقصه أنه يركز شوية.
- في الأول كنت بضايق من الشائعات وبعدين اتعودت، مرة كنت بعمل عملية برا ومامتي قرأت في الجرنال كلمتني وقالتلي أنتي عايشة؟ وجوزوني وعملولي فرح.
- بخاف من المرض أكتر من الموت، لأني عديت بيه سنوات طويلة، المرض بيوصلك إنك تتمني الموت.
- أنا فقدت الثقة في نفسي بطريقة غير طبيعية، لأن أنا ملعبتش في شكلي أنا كنت ملكة جمال مصر 2002 مش محتاجة ألعب في شكلي وكدة بعد 15 عملية تقريبا ولسة فاضل عملية.
- متستنيش حاجة من حد أعتبري إنك لوحدك في الدنيا ومتبقيش مستعدة إن في حد هيكلمك.
- الروح هي اللي بتبقى موجودة مش الجمال، وأنا مش من النوع اللي هشد وأنفخ.
- أنا عندي ثروة من أهلي أكتر من الفن، والمبلغ اللي بيجيلي من الشغل بصرفه عليه، بحب أصرف على شغلي لو المنتج مش هيصرف أنا بحب أصرف على شغلي، أجري يعتبر عالي.
- مش بتعاكس في الشارع.
- تزوجت لمدة 3 شهور وانفصلت بهدوء، وما زلنا أصدقاء حتى الآن.
- لم أتعرض للخيانة.
- ليه أنتج لنفسي وفي منتجين بيدفعوا 40 و50مليون جنيه للممثلين.
- لو هنتج هيكون لـ رانيا محمود ياسين، ممثلة تقيلة ووشها بيوحشني على الشاشة، وياسر جلال ممثل جبار.
- هيثم أحمد زكي اتعرفت عليه في بروفات كف القمر، كان بالنسبة لي زميل عزيز وأكتر شوية، لكن هو اتعلق بيا عاطفيا أكتر.
- مكنش ينفع ارتبط بيه لأني أكبر منه بـ 6 سنين، وآخر مكالمة قالي باي باي يا طنط، من ساعتها متكلمناش تاني.
- أنا لا أعاني من الوحدة، ولكني تعودت على الوحدة.
- لم أكون ثروة من الفن ولكن من عائلتي، بسبب إني مسرفة وبحب أصرف على شغلي.
