قالتلي هنام ولقيتها على المسرح.. تامر عاشور يكشف تفاصيل قصة حب عاشها
كشف الفنان تامر عاشور تفاصيل قصة حب عاشها وهو بعمر الـ 17 عامًا، مشيرا إلى أنها كانت قصة حب كبيرة وانتهت بمشهد تمثيلي درامي.
وقال تامر عاشور خلال لقائه مع الفنانة إسعاد يونس في برنامجها صاحبة السعادة: عشت قصة حب وأثرت فيا جامد وأنا صغير، وكنت 17 سنة وكانت قصة مضحكة جدا وهي كانت بنت صوتها حلو وكانت عايزة تغني في المكان اللي أنا بغني فيه، وقولتلها لا مينفعش ويا أنا يا الشغل وقفلنا مع بعض الموبايل.
وواصل عاشور: وروحت المكان اللي هشتغل فيه وشوفتها وهي بتغني مع أنها قالتلي هتنام، ولقتها على المسرح وكان مشهد تمثيلي رهيب ومكنتش عارف هي دي ولا لا، ومتوقعتش أنها هتعمل كدا وقعدت أبص أتأكد، وببص جنبي لقيت مامتها وطبعا أتأكدت وأنا نازل أتقابلنا في الأسانسير وقولتلها وسعي كدا ومن ساعتها مشوفتهاش وكان دمار شامل ويمكن الموقف دا هو اللي كون شخصيتي الدرامية.
وأشار تامر عاشور إلى أن بداية شهرته كانت بسبب تسريب بعض الأغاني على الإنترنت وبعدها تعاقد على أول ألبوم كامل له عام 2008.
آخر أعمال تامر عاشور
وعلى جانب آخر، طرح تامر عاشور أغنية بعنوان مفيش جدعنة من تأليف أحمد المالكي، ومن ألحان سامح كريم، ومن توزيع أدهم دهيمة، وحققت الأغنية نجاحًا هائلًا وكسرت الأغنية حاجز الـ 2 مليون ونصف مشاهدة على يوتيوب.
