علي قاسم: البطولة المطلقة عبئ.. وسيناريو أبو صدام الأفضل في آخر 3 سنين
كشف الفنان الشاب علي قاسم، عن معايير اختياره لأدواره، ومدى أهمية حجم الدور، بالنسبة له، كما تحدث عن رأيه بالبطولة المطلقة، وحجم أهميتها للممثل، وتحديدا إن كان في بداية مشواره الفني.
وقال علي قاسم، في سياق الحديث عن معايير اختياره لأدوره، مشيرا إلى أنه لا ينظر إلى حجم الدور إطلاقا، بدليل آخر دور له في تحقيق، الذي تميز بصغر حجمه، ولكنه استمتع به، ومع فريق العمل بأكمله.
دور علي قاسم بـ أبو صدام
وتطرق علي قاسم، للحديث عن دوره بـ فيلم أبو صدام، الذي ظهر من خلاله بمشهد واحد، وقال: مهتمتش بحجم الدور أبدا، ولما نادين خان طلبت مني إني أكون ضيف شرف، مترددتش ثانية، خصوصا لما قرأت ورقه، اكتشفت إنه أحسن سيناريو قرأته في آخر 3 سنين.
وتابع قاسم: وكنت حابب أكون ضيف في فيلم حلو، وبحب أبطاله، ونادين مخرجة شاطرة، اللي بعتبر فيلمها هرج ومرج من أحسن الأفلام اللي شوفتها في آخر 15 سنة.
وتحدث علي قاسم، عن علاقته بأعماله، مشيرا إلى إنه نادرا ما يتابع عملا شارك به، حيث قال: مش بتفرج على أعمالي، وتحقيق يعتبر ثالث عمل ليا أتفرج عليه، ومش ببقى عارف العمل ده الجمهور هيقابله إزاي، الممثل بيختار حاجات من قلبه، ويتمنى إن ده يوصل للجمهور.
وعن حلم البطولة المطلقة لمعظم الفنانين، قال علي قاسم: البطوبة المطلقة عبئ، وأنا أعتبر في بداية كاريري، وبقالي 4 سنين بس في مجال التمثيل، وأبقى غبي لو دبست نفسي في البطولة المطلقة من دلوقتي.
واختتم علي قاسم، كاشفا عن فرصة البطولة المطلقة، التي رفضها، قائلا: لو البطولة المطلقة جت مش هخاف منها، بس لو مجتش مش هسأل عليها، وعايز الفترة دي اتبسط بالحرية في اختيار أعمالي، وبالفعل اتعرض عليا بطولة مطلقة كذا مرة، بس كانت حاجات مش حلوة، ورفضتها.
