حياتي باظت ووصلت للانتحار.. بلوجر تعثر على عمل سفلي لها بالمقابر
ظهرت البلوجر سلمى عبد العظيم، وهي صانعة محتوى؛ يتابعها أكثر من 2 مليون متابع عبر موقع تبادل الصور والفيديوهات انستجرام، وهي منهارة من البكاء، حيث اكتشفت عملًا سُفليًا لها - مدفونًا في أحد المقابر.
سلمى عبد العظيم
وقالت البلوجر سلمى عبد العظيم، خلال خاصية استوري: مش عارفة أجمع كلام لحد دلوقتي، بس أنا معمولي عمل سفلي في المقابر.
وأضافت سلمى، باكية: والله ما مستوعبة لحد دلوقتي.. أنا وصلت لمرحلة انتحار، أنا حياتي فيها حاجة غلط، كل حاجة بايظة، مفيش حاجة بكون عاوزاها بتيجي.. كل حاجة بتروح مني، أنا بس عاوزة اسأل فين ربنا؟!.
البلوجر سلمى عبد العظيم
وتابعت سلمى خلال الاستوري: عمري ما فكرت أحقد على حد، ولا آذي حد ولا أحسد حد، ولا أبص في رزق حد.. كل اللي حواليا بدأ يتخنق مني، بقيت كئيبة ونكدية، مبقتش أنا.
واستكملت سلمى حديثها: العمل مكتوب عليه حاجات غريبة، وعليه رمل من المقابر، أرجوكم محدش يسألني عرفتي منين أو إزاي، ربنا قدر إني أعرف، ادعولي وبس.
جدير بالذكر أن سلمى من الشابات؛ التي كانت محض الأنظار على منصة السوشيال ميديا، فاشتهرت، وهي تقلد مقاطع للشيخ مبروك عطية عبر تطبيق تيك توك، وتقدم مختلف الفيديوهات الطريفة والمبهجة، وأيضًا كيفية تنسيق الملابس، كما أنها قدمت أدوارًا فنية، منها دور في السيدة زينب، وختم القمر.
