المخرج أحمد خالد أمين يكشف حالته الصحية بعد خضوعه لعملية جراحية في المعدة
كشف المخرج أحمد خالد أمين، تعرضه لأزمة صحية بشكل مفاجئ نتج عنها خضوعه لعملية كبيرة بمنطقة الثقب في المعدة، وذلك داخل إحدى المستشفيات.
وكتب أحمد خالد صالح، منشورًا عبر حسابه الشخصي بموقع التواصل الاجتماعي فيسبوك، قائلا: الحمد لله والشكر لله ربنا كبير أوي علشان ابقي بكتب دلوقتي بإيدي وفايق كده ده.. بفضل ربنا وتسخير عباده الصالحين أنا عملت عملية كبيرة بس الحمد لله عدت علي خير وهخرج من المستشفى خلال أيام، وهي عملية ثقب في الاثني عشر بسبب انفجار قرحة في المعدة.
وأضاف: العادات السيئة يا جماعة بطلوها أرجوكم أفطروا واشربوا ماء، الصحة كنز لا يفنى، وعاوز أشكر كل اللي لحقوني وكانوا جانبي وهم، أستاذ جورج رمسيس المنتج الفني كنت أكتر من أب، وجورج الصغير الراجل اللي مفيش منه راجل من ظهر راجل، وشيرين أكمل الست الجدعة الأصيلة.
وتابع: إيهاب فهيم بجد، مش عارف ألاقي كلام يعبر عن اللي عملتوه، وأخواتي وأصحابي اللي طلعت بيهم محمد وجيه، ومحمد السعدني اللي عنده أصحاب زيكم الدنيا بخير، وعيلتي كلها وعيله دينا زوجتي كلهم.
وأختتم: أخيرا وليس آخرا أم عيالى اللي مفيش منها اللي قاعده جنبي 4 أيام أنا بنام وهي صاحية، ربنا يخليكي ليا ولولادنا، وإن شاء الله أيام وأكون في البيت في وسط لمه البيت، والحمد لله أولا وأخيرا.
