طارق الشيخ يبكي على الهواء: أصبت بانهيار عصبي بسبب مراتي وعيالي
تحدث المطرب الشعبي طارق الشيخ، عن تفاصيل الأزمة الصحية الأخيرة التي تعرض لها، مشيرًا إلى أن ما حدث معه كان نتيجة انهيار عصبي.
وأوضح خلال لقائه في برنامج سابع سما تقديم الإعلامية راغدة شلهوب: نرفزة زيادة وضغط عارفة لما تقولي للي حوالين منك حاضر وتنفذي كلمتك، وفي المقابل اللي معاكي لما يقولوا حاضر وما يعملوش، عشان كده انفجرت.. العيال راحت المدارس وكنت أنا ووالدتهم فقط قمت كسرت في الشقة وبعدها لقيت نفسي واقع على باب الشقة وخدت 5 غرز.
وأضاف باكيًا: قعدت يومين في الرعاية والدكتور قال لي أبعد عن القهوة والتدخين وجالي انهيار عصبي.
وكشف طارق الشيخ أن سبب الانهيار العصبي الذي تعرض له، لم يكن سبب أزمته، بينما أبنائه وزوجته هم السبب فيما حدث معه من انهيار، مردفًا: ربنا ساترني في الفن والناس واقفة معايا لكن أكتر حد قريب منك وهما أولادك ومراتك مش مقدرين كل ده.
وأشار إلى أنه لديه 5 أبناء 3 أولاد كبار وهم مازن وشهاب وعادل، وابنتين وهما رحمة ومريم.
واستكمل: "بقى لي شهرين مش بمسك موبايلي، ومعايا المساعد بتاعي والراجل اللي بيسوق العربية لأني معايا في الموبايل 3 آلاف رقم واللي معايا كل يوم 5 6 عارفين هيجبوني إزاي، الموضوع كله بسيط هي تراكمات.
وتابع: ندمان لأني كنت ممكن أروح فيها وهي مش مستاهلة أي حاجة خالص وولادي مش هيلاقوني وما حدش هينفعني عمري ما تمنيت الموت، مشيرًا إلى أن شهر رمضان والجو العائلي لا يفرق معه، موجهًا نصيحة لأبنائه: قدروا تعب أبوكم.
