عندي 91 قطة ومش هتجوز تاني.. أبرز تصريحات شيرين رضا في برنامج حبر سري
تصدرت الفنانة شيرين رضا محركات البحث في جوجل اليوم، من خلال استضافتها ببرنامج حبر سري، الذي تقدمه الإعلامية أسما إبراهيم، عبر شاشة قناة القاهرة والناس، حيث فتحت خزائن أسرارها، وكشفت حقيقة العديد من الشائعات، كما انقسم حوارها على مدار حلقتين، وعُرض الجزء الثاني منه، اليوم الأربعاء.
أبرز تصريحات شيرين رضا في الجزء الثاني من حوارهاببرنامج حبر سري
- 70 % من الناس مش مؤهلة تخلف.. وبنتي رافضة الإنجاب نهائيًا.
- فيفي عبده أسطورة من زمان.. ومسلسل شغل عالي عرَّفني عليها أكتر.
- لقب عانس مُهين للست.. ونفسي أحلق زي شيرين عبد الوهاب.
- اللي بيرفض التلامس في التمثيل؛ دخل المهنة غلط، ودوروا على شغلانة تانية، ده كلام عبيط، روح اشتغل حاجة تانية، أنت جاي بتعلي علينا يعني؟.
- لو اتعرضت عليا مشاهد جريئة؛ هقدمها، ما دام رضيت بالفيلم، إحنا عندنا المشاهد الجريئة من أول ما السينما اتعملت، إحنا مدخلناش حاجات جديدة، إحنا شيلنا حاجات من السينما.
- المنتقدون دول تاعبين نفسهم على الفاضي، وأنا هخرج وأسهر وأعمل فلوس.
- فشلت مرتين في الجواز، ومش هتجوز تاني، وممكن أعترف برجل لحبي له.
- شركات الإنتاج طماعين، ومش هاممني لو ماشغَّلونيش.
- للأسف عندنا الست لما بتتطلق؛ مبتاخدش حاجة، ولازم تاخد نصف ما يملك.
- عندي 91 قطة في بيتي.. وعارفة أسمائهم كلهم.
- مش محتاجة راجل أعتمد عليه.. وإنما ممكن يكون صديق ليا.
- عمري ما اشتغلت عشان الفلوس، ولم أندم على أدواري.
