عبد الفتاح الجريني باكيًا: مروحتش المغرب من 4 سنين لأنه صعب عليا بعد وفاة والدتي
تحدث الفنان عبد الفتاح الجريني عن علاقته بوالدته الراحلة، ومدى تأثره برحيلها عن عالمنا منذ 4 سنوات، وبناءً عليه لم يعود لمسقط رأسه المغرب.
وقال عبد الفتاح الجريني خلال تصريحات تليفزيونية: مروحتش المغرب من 4 سنين بعد وفاة والدتي، صعب عليا أرجع البيت عندنا وألاقي البيت فاضي، الموضوع صعب وخد مني وقت وعشان وحشاني البلد بس هياخد مني وقت الموضوع، بحب أطلع في البرامج أفرح الناس ومقولهمش اللي بيحصل معايا عشان مايتضيقوش، مفيش غير المقربين فقط اللي يعرفوا الموضوع.
وأضاف عبد الفتاح: كنت بعتبر ربنا فوق ووالدتي على الأرض، وبخاصةً في وقت مرضها وحتى الناس متعرفش إني كنت بقضي وقت كبير مع والدتي في المستشفيات، فاللي حصل صعب عليّا، والخاتم اللي في رقابتي بتاع والدتي وهي أهدتهولي قبل وفاتها وعندي ساعة أهداها لي والدي.
آخر أعمال عبد الفتاح الجريني
تعد أغنية شكرًا هي آخر أعمال المطرب عبد الفتاح الجريني وكانت ديو غنائي مع المطربة جميلة البدوي باللغة المغربية، وحققت الأغنية نجاحًا كبيرًا منذ طرحها في شهر ديسمبر لعام 2021، عبر موقع الفيديوهات يوتيوب، وتخطت حاجز الاثنين مليون ونصف مشاهدة.
وتعاون عبد الفتاح الجريني في الأغنية مع الشاعر مو بيزي، وميكس وماستر صهيب العوضي، وتسجيل بشار الباكر.
