الانتقادات دمرت هيثم أحمد زكي ولما والدي توفى حسيت إني اترميت في الشارع.. أبرز تصريحات كريم محمود عبد العزيز
حل الفنان كريم محمود عبد العزيز ضيفًا على شيرين عرفة، في برنامج أدينا بندردش، وخلال اللقاء كشف العديد من أسرار حياته، وأوضح حقيقة وجود خلاف بينه وبين أرملة والده الإعلامية بوسي شلبي، كما كشف أيضًا كيف تخطى أزمة وفاة والده.
ويستعرض القاهرة 24، أبرز تصريحات كريم محمود عبد العزيز في الجزء الثاني من الحلقة.
ـ الهجوم والانتقادات دمرت هيثم أحمد زكي، بعد عرض فيلم حليم مرمطوا هيثم.
ـ لما والدي توفى حسيت إني لوحدي، وإني اترميت في الشارع فجأة وإني تايه مكنتشس عارف هعمل إيه.
كريم محمود عبد العزيز في برنامج أدينا بندردش
ـ لو في حد كان بيطبل علشان أبويا فخلاص الوالد توفى وانتهت.
ـ والدي عودني أعتمد على نفسي.. وكنت الأول بشتغل واكسب فلوس مبصرفهاش.
ـ مفيش أي مشاكل عائلية حصلت بيننا وبين بوسي شلبي بعد وفاة والدي.
ـ احترامنا أنا وأخويا لوالدي قبل الوفاة زي بعد الوفاة، ومش هنقدر نعمل مشاكل مح حد تضايق أبويا.
ـ بعد ما بنتي الأولى اتولدت ابتديت أفهم إن في مشاهد معينة مش هقدمها، وقررت أقدم أعمال عائلية أكتر.
ـ اللي هيتجوز ممثلة لازم يكون فاهم الشغلانة ومقدرها مليون في المية.
تصريحات كريم محمود عبد العزيز
ـ مببقاش عايز أطفال الشوارع تشوف ولادي مش علشان ممكن يحسدوهم.. لأ بكون خايف أنهم يحسوا بالفرق بينهم.
ـ هبطل تمثيل لو لقيت نفسي خلصت كل حاجة عندي.
ـ كنت فاكر إن الشهرة ممتعة، لكن طلعت متعبة لأي حد بيطلع على الشاشة.
ـ في العرض الخاص لـ موسى بكيت لأن كان نفسي أبويا يشوفني.
ـ بقول لوالدي لو سامعني هعرفك إنك مخلف رجالة هتكمل وتكون معتمدة على نفسها.
