الاختيار 3 الحلقة 16.. تسريب جديد لـ مرسي: أيمن نور بيتحايل عليا عشان الحكم بتاعه.. بني آدم عجيب
عرضت الحلقة السادسة عشرة من مسلسل الاختيار، تسريبًا جديدًا للرئيس المعزول محمد مرسي.
وخلال التسريب قال مرسي: شوف أيمن نور ده بيتحايل عليا إن أنا أقول لاخوانا يعفو عنه وبتاع ومش عارف إيه عشان الحكم بتاعه.. يجمعهم في بيته تلت أربع خمس مرات يجيب 50 60 70 واحد ويرتب معاه عشان يوم 25 بني آدم عجيب الشكل ما بيتعظش أبدًا.
ليرد المرشد: وحصل أي يوم خمسة وعشرين مشهد في العام كله بيقولوا أحسن من يوم 25 الاولاني.
وتابع مرسي: وعمر عفيفي اتصل من أمريكا وقال مش عارف إيه خطة الهجوم على الميدان.. هو بيستعبط.. وأنا مش فاهم إبراهيم المعلم بيعمل إيه ده محيرني بصراحة يقعد يتصل بيا يقول انتو بابا وانتو ماما وانتو أنور وجدي، وبعدين تبص تلاقي كاركتير في غاية السوء مهيج.
بينما عرضت الحلقات الأولى من مسلسل الاختيار، عددا من الأحداث والتفاصيل والكواليس التي يتم الكشف عنها لأول مرة بداية من مؤامرة الجماعة على المؤسسة العسكرية ومؤسسة الأمن في مصر، ومحاولة السيطرة على أجهزة الدولة المختلفة وأخونتها في سياق السياسة التي انتهجتها الجماعة للسيطرة على مفاصل الدولة المصرية وتطويعها لتنفيذ أجندتها، ولكن تحركات الجماعة لم تكن بعيدة عن أعين أجهزة الدولة التي رصدت كافة التحركات التي كانت الجماعة تقوم بها وكذلك تفكيك المخططات التي وضعتها.
شهدت الحلقة الرابعة عشرة من مسلسل الاختيار 3، عرض لقاء بين الفريق أول عبد الفتاح السيسي، واللواء عباس كامل مدير مكتبه وأحد قيادات القوات المسلحة.
وخلال اللقاء قال السيسي: محدش عارف مين بيحكم البلد، المرشد ولا مكتب الإرشاد ولا خيرت الشاطر، لكن واضح أن القرار مش بإيد مرسي، القرارات بتفرضها عليه جماعة الإخوان، وكشفت نفسها ودخلت في مواجهة مع القوى الوطنية.
كما تضمنت التطرق إلى أحداث العصيان المدني الذي اجتاح محافظات الجمهورية في أثناء حكم جماعة الإخوان المسلمين، بسبب السخط الشعبي على بعض قرارات محمد مرسي آنذاك.
وعرضت الحلقة الرابعة عشرة من مسلسل الاختيار تسريبا جديدا لعبد المنعم أبو الفتوح المرشح الأسبق على منصب رئيس الجمهورية.
