محمد الملاح في التحقيقات: كنت خايف أروح في داهية ووافقت لما زودوا العرض لـ150 ألف جنيه
كشفت التحقيقات في القضية رقم 1098 لسنة 2022 جنحة اقتصادية، والمتهم فيها محمد الملاح المعروف إعلاميا بالمحلل الشرعي، بترويج الشائعات والتحريض على الفسق والفجور، بعد التقدم ضده بعدة بلاغات، أنه زوّر بعض الأوراق الرسمية.
اتعرض عليا 150 ألف جنيه
وأوضحت التحقيقات التي حصل عليها القاهرة 24، أن محمد الملاح اعترف بتلقيه أموالا من مسئول البرنامج، للحديث عن زواجه بالسيدات، قائلا: عرض عليّ مبلغ 15٫000 جنيه وأنا كنت خايف لأروح في داهية وهو طمني بأني مش همضي على أي حاجة ومش هتبقى على أي مسئولية، وقالي انت طالع على مسئوليتي ولما لقاني خايف زود المبلغ ووصل معايا لـ 150،000 جنيه.
وجاء بنص تحقيقات محمد الملاح
س: ما قيمة المبلغ المالي الذي عرض عليك مقابل الظهور في تلك الحلقة؟
ج: اتعرض علي مبلغ 15٫000 جنيه وأنا كنت خايف لأروح في داهية وهو طمني بأني مش همضي على أي حاجة، ومش هتبقى عليّ أي مسئولية، وقال لي انت طالع على مسئوليتي، ولما لقاني خايف زود المبلغ ووصل معايا لـ 150،000 جنيه وكدة وافقت.
س: وما الذي حدث عقب انتهاء الحلقة؟
ج: مهما كانوا عايزينّي أمشي وأنا سألتهم على الفلوس اللي اتفقنا عليها وقالولي إن الفلوس سوف يتم تحويلها على حسابي وأنا قلت لهم أني متعود اني أطلع أوردر باخد الفلوس وأنا ماشي، وهما قالولي أن النظام عندهم يتم التحويل عن طريق حساب بنكي أو محافظ إلكترونية، وأنا قلت لهم أنا معنديش حساب بنكي فقالولي هحولك الفلوس كاش على تليفونك لأن إحنا مبنديش أجور في وسط الشهر وبنخليها آخر الشهر وأنا مرضيتش.
وأردف بـ أن ياسر التلاوي خرج وقام بسحب 3000 جنيه وأعطاهم لي، وقالي الباقي هحولك 2000 جنيه خلال يومين تلاتة وباقي المبلغ 150،000 جنيه آخر الشهر، يوم 9 أكتوبر اتحولي 5000 جنيه، وياسر كلمني في التليفون وقابلني وروحنا فرع أورنج اللي في المهندسين ودخل معايا وانا استلمت المبلغ واديت له 3000 جنيه علشان هو دفعهم من جيبه المرة اللي فاتت وأنا أخدت الـ 2000 جنيه.
س: وما تحديدا إجمالي المبلغ الذي تقاضيته مقابل ظهورك في تلك الحلقة؟
ج: 5000 جنيه.
س: وما سبب عدم إعطائك المبلغ الذي ذكرت أنه قد تم الاتفاق عليه؟
ج: أنا معرفش السبب تحديده ولكن يمكن عملوا كدا علشان أنا طلعت قبل نهاية الشهر وقمت بتكذيب الكلام اللي اتقال في الحلقة.
س: ما كيفية حصولك على مبلغ 5000 جنيه سالفة البيان؟
ج: أنا أخدت 3000 جنيه كاش من ياسر التلاوي بعد الحلقة مباشرة وبعد كدة تم تحويل مبلغ لي على أورانج كاش، وكان 5000 جنيه وكان معايا ياسر التلاوي، وهو أخد منهم 3000 جنيه اللي دفعهم من جيبه وسابلی 2000 جنيه.
