هتخس 10 كيلو في 15 يوم.. كبسولة تخسيس تثير الجدل.. وخالد منتصر: أكبر حرام
نشرت صفحة خاصة بإحدى الصيدليات إعلانًا عن كبسولة تساعد على خسارة الوزن بشكل سريع للغاية، مما أثار جدلًا واسعًا لرواد مواقع التواصل الاجتماعي، وكتبت الصيدلية: كورس الإنقاذ السريع، هنخس 10 كيلو في 15 يوما، 15 كبسولة ومعاه 2 امبول حرق، بنص التمن، وكمان الشحن مجانًا، عرض النهارده بس.
كبسولة تخسيسي تثير الجدل
وتابعت الصيدلية في منشور آخر: تعالى أقولك على برشام تخديها على الريق هتخسسك 15 كيلو في 4 أسابيع، فيما نشرت منشورا آخر معلقة: كنتي فين من زمان، بتخلي الجسم ماكينة حرق بتعلي لحرق أضعاف وبتنزل كل الدهون، بناخدها على ربع كباية مية، أو عضل بتخسس في الأسبوعين 8 كيلو وفي الشهر 15 كيلو.
لو كبسولة ميه نار متعملش كل ده
وعلق الدكتور خالد منتصر: دي لو كبسولات مية نار ماتعملش كده ياجماعة، هي شربة الشيخ علي ولا هو إحنا في مولد سيدي الطشطوشي، فين نقابة الصيادلة من هذا التهريج، فين وزارة الصحة، ياناس ياهوه الريجيم والتغذية علم مش جلا جلا، هو الكركمين بقى نمط حياه وأسلوب معيشه ولا ايه، إرحموا الناس وماتستغلوش سذاجتهم واحتياجهم، والله اللي بيحصل ده أكبر حرام.
تعليقات السوشيال ميديا
وكتب حساب باسم عادل رجاء الله: طبعا فيه برشامة بتتاخد على الريق تخسس في أقل من كده كمان، بس هتجيب اصطراب في ضربات القلب، وهبوط في عضلة القلب، وفي النهاية الأهبل اللي اخدها هيموت.
بينما علق حساب آخر: 2 امبول حرق، دول لو بنزين مش هيحرقوا الدهون كده، فيما قالت لانس زكي: والله أنا إخصائي تغذية ودايما أنبه الناس حتى قرايبي، بس مفيش حد مقتنع، لأن الإعلانات أقوى من العلم.
