خالد الجندي: لا تسمعوا لـ أكاذيب غلق المساجد أو منع الصلاة

حذر الشيخ خالد الجندي، عضو المجلس الأعلى للشئون الإسلامية، من الانسياق وراء أكاذيب الجماعات الإرهابية ضد مصر، قائلا: كلنا غيورين على بلدنا الحبيبة، إحنا بنتكلم في شأننا العام، وإحنا الدولة الوحيدة بفضل الله اللي عدى عليها شهر رمضان من غير أي أزمات. 

وتابع الجندي، خلال حلقة برنامج لعلهم يفقهون، المذاع على فضائية dmc، اليوم السبت: الجماعات الإرهابية روجت الأكاذيب الكثيرة عن غلق المساجد، لكن ربنا كشفهم، ومساجدنا كانت مفتوحة يودى فيها الصلوات، ولا فى قرارات أصلا بإغلاقها أو إقصاء الائمة ولا الوهم اللي هم عايشين فيه ده. 

ولفت الجندي، إلى أنه يجب مثلما اجتهدنا في الشعائر الدينية، يجب الانتقال إلى الشعائر الإنتاجية، معقبا: مش عيب أنى اطلب منكم الطلب ده، إننا ننتقل بعد رمضان إلى الشعائر الإنتاجية، كل شخص يؤدى دوره لزيادة الإنتاج.

وتابع الجندي، تعالى شوف بعد العيد، هتيجى تطلب أي صنايعى، مش هتشوفه إلا بعد شهر، ليه عشان بيعيد، واحنا بنقول لهم من كان يعبد رمضان فقد فات، والله باق.

واستكمل: ليه الناس تسيب أشغالها وتقعد وتقول عشان رمضان، وفى نوعية تانى بتنفق وبتصلى وتتصدق، في رمضان وبعد رمضان مفيش حاجة بيعملها.. عاهدوا الله أنكم تواصلوا ما كنت تفعلوه في رمضان من صدقات وزكاة وصلاة.