إشادات واسعة بأغنية المُطربة أنغام الأخيرة "لوحة باهته" والجمهور: "طول عمرك بتلمسي قلوبنا"
طرحت المطربة أنغام أغنيتها الجديدة، والتي تحمل اسم لوحة باهته عبر قناتها الرسمية بموقع الفيديوهات الشهير يوتيوب، وحققت هذه الأغنية نجاحًا كبيرًا فور عرضها بلحظات، حتى تصدرت تريند مواقع التواصل الاجتماعي، بعدما تفاعل معها الجمهور بشكل كبير وملحوظ.
ردود أفعال على أغنية أنغام الجديدة لوحة باهتة
وعلق عدد من مستخدموا مواقع التواصل الاجتماعي عبر حساباتهم الشخصية على أغنية لوحة باهتة لـ أنغام، وجاءت التعليقات من الجمهور كالتالي: طول عمرك بتلمسي قلبي من جوا بكلامك ياأنغام تحفة فنية كعادتك.
كلمات أغنية لوحة باهتة
عارف احنا طول فراقنا زي ايه زي لوحة باهتة لونها مايترسمش زي سطر في صفحة متشخبط عليه، مهما تقرأ فيه تلاقيه مابيتفهمش زي طفلين وقت لما بيغلطوا بتلاقيهم خافوا يومها وعيطوا زي حرفين مشبوكين.
واتفرطوا زي طرفين مقطوعين مابنتلضمش كنت عمري ياللي مقصود بالكلام كنت ضهري ونفسي ضهري مايتقطمش هو بالليل ينفع أن العين تنام إلا لو لو يحضنها ويغطيها رمش ليه وافقنا وسيبنا بعض، ازاي كمان واتفارقنا قال عشان مابنتفاهمش عننا ما كنا اتفاهمنا من زمان بس من اللي بينا كنا مانتحرمش كنت عمري ياللي مقصود بالكلام كنت ضهري ونفسي ضهري مايتقطمش هو بالليل ينفع أن العين تنام إلا لو لو يحضنها ويغطيها رمش.
آخر أغاني أنغام
وكانت آخر الأغاني التي قدمتها أنغام أغنية أنا مش ضعيفة وهي من كلمات مدحت العدل وألحان أحمد العدل، والذي عرضت تتر مسلسل فاتن أمل حربي في السباق الرمضاني 2022، والعمل كان من بطولة نيللي كريم، شريف سلامة، هالة صدقي، وعدد آخر من الفنانين.
وجاءت كلمات الأغنية: أنا مش ضعيفة وليا في الحياة مطرح ومش قابلة أكون كومبارس عالمسرح، وزي ما هتجرح هجرح قراري من دماغي سيف، أنا مش ضعيفة وليا في الحياة مطرح ومش قابلة أكون كومبارس عالمسرح وزي ما هتجرح هجرح، قراري من دماغي سيف، أنا الإرادة وطايرة في الحياة بجناحين وعارفة طريقي سكتة فين.
