شقيق سمير غانم ينعى سمير صبري: كان حبيب أخويا وأكيد الاتنين مع بعض
حرص حسام غانم، شقيق الفنان سمير غانم على نعي الفنان القدير الراحل سمير صبري، الذي رحل عن عالمنا صباح اليوم، حيث أشار إلى أنه كانت هناك علاقة صداقة قوية تربط غانم بـ صبري، معربًا عن حزنه الكبير لوفاة الراحلين، ومطالبًا الجميع بالدعاء له بالرحمة والمغفرة، ولأسرتهما بالصبر والسلوان.
وتحدث حسام غانم، عن الراحلين، خلال زيارته لقبر شقيقه في الذكرى الأولى لوفاة سمير غانم، قائلا: أخويا أكيد بصحبة سمير صبري، أكيد الاتنين مع بعض، وأنا مؤمن بأن الموت علينا حق.
وتابع حسام غانم لـ القاهرة 24: سمير معانا على طول، هو عند ربنا بجسده، لكن روحه عايشة معانا، كان إنسان بار بوالديه وبأخواته، وبكل اللي حواليه، واثق أنه في مكان جميل مع الصديقين، ربنا يرحمه ويغفر له، سمير عنده بنتين ربنا يبارك فيهم، عارفين ربنا كويس، وبيصلوا الفرض بفرضه، كانوا محتاجين يقعدوا مع نفسهم، وتربية سمير ودلال لهم خلتهم يقدروا يقفوا على رجلهم من تاني.
كما نعت شقيقة سمير غانم الراحل سمير صبري، قائلة: مقدرش أوصف كان بيتعامل معانا إزاي، سمير صبري كان حبيب أخويا وحبينا كلنا، ربنا يرحمه ويغفر له ويصبر أهله.
ذكرى وفاة سمير صبري
وتابعت شقيقة سمير غانم: سمير كان مخلص لأهله لاخر دقيقة، متأخرش عن مخلوق لجأ له، باباه ومامته كانوا راضين عنه ليوم الدين، وأخوه الراحل سيد نفس الوضع كان بني آدم معطاء فوق الخيال، اللي معاه مش في إيده.
