عمرو أديب: المنتخب ضايع.. ومنظومة الكرة في مصر تدار بعشوائية
علق الإعلامي عمرو أديب، علي خسارة المنتخب المصري أم نظيره الإثيوبي في تصفيات كأس الأمم الإفريقية 2023، قائلا: حالة من الحزن والألم بسبب مباراة الهزيمة المذلة لمنتخب مصر من إثيوبيا والانتكاسة التي حدثت في المباراة، إدي العيش لخبازه ولو أكل 3 أرباعه، كفاية الطريقة اللي بندير بها الكرة المصرية، إحنا بنتكلم عن تسليم وتسلم الكرة، الفرق المصرية كلها إخفاقات وواقعة واقعة منيلة.
وأوضح أديب، خلال برنامجه الحكاية، مساء الجمعة: إحنا مبنعرفش نتكلم كرة، وتاني يظهر لنا مصنع الشماعات، ويقولوا أصل اللاعبين تعبانين، هاتوا لهم دكتور نفساني، مردفا: هناك حالة من العشوائية تدار بها منظومة كرة القدم.
وتابع مقدم الحكاية: ما هو الوقت المناسب اللي هنتكلم فيه عن الكرة المصرية؟، جايبين مدرب معندوش CV، طب كيروش مشيناه ليه وهو في النهائي؟، طب وحسام البدري؟.
وأكمل الإعلامي عمرو أديب: اتحاد الكرة بتاعنا ضايع، واللاعيبة ضايعة، والإعلام ضايع.. إثيوبيا لم تكن البرازيل، إحنا اللي كنا البراجيل، بعد هزيمة إثيوبيا نكتشف أمرين، الأول إن الفرحة عند إثيوبيا دوبل، الأمر الثاني اكتشفنا أننا لم يكن عندنا حافز إضافي لتحقيق الفوز، في إشارة منه لأزمة مصر مع إثيوبيا بشأن سد النهضة.
وأردف أديب: إيه اللي جرى في الكرة المصرية، منظومة كلها ضايعة، اتحاد كرة ضايع، منتخب ضايع، جمهور ضايع، إعلام ضايع، كلنا ضايعين، عايز النتيجة تبقى عاملة إيه في النهاية بعد اللي بيجري ده كله.
