ميار الببلاوي تكشف آخر تطورات الحالة الصحية لابنها: تحسنت
كشفت الفنانة ميار الببلاوي، آخر تطورات الحالة الصحية لابنها بعد تعرضه لأزمة صحية خلال الأيام الماضية، مشيرة إلى أن حالته الصحية تحسنت كثيرًا بفضل دعوات المقريبن لها ومتابعيها.
وقالت ميار الببلاوي في تصريح لـ القاهرة 24: الحمد الله حالته تحسنت كثيرًا ونواصل المتابعة مع الطبيب المعالج مع اتباع بروتوكول العلاج المناسب لحالته.
وكانت ميار الببلاوي انهارت من البكاء خلال مع القاهرة 24، موضحة أنه تم تشخيص حالته بأنه يعاني من جرثومة سيطرت على الأمعاء بشكل كامل؛ وسببت له المزيد من الألم.
وأشارت إلى أنها تشعر بالحزن الشديد، لأنه في المرحلة النهائية من بكالوريوس الاقتصاد والعلوم السياسية، وفي فترة الامتحانات وكانت تتمنى أن ينهي دراسته على خير، مضيفة: عنده امتحان آخر مادة النهارده، وملهاش إعادة، ولو بعد الشر حصل حاجة فيه؛ هيعيد السنة عشانها.
تفاصيل حالة نجل ميار الببلاوي
وكانت ميار الببلاوي، أعلنت عبر حسابها الشخصي بموقع فيسبوك، تعرض نجلها لأزمة صحية، وكتبت: إيه ده، إيه الدنيا دي، الواحد عايش في كوكب، لوحده، ملهوش حد، ولا يفرق مع حد، كله بيقول يلَّا نفسي، ولو ليه مصلحة عندك؛ يعملك نفسه مروحة، ولو مالوش؛ ما يلزموش، دي كلمة ست طيبة لقتني ببكي في المسجد بتاع المقابر، وقالت ليا: دموعك غالية، وفَّريها، الجايات كتير، والله استغربت كلامها، وكأنها تؤهلني للي جاي.
وتابعت الببلاوي منشورها: النهاردة ابني من الصبح بيموت بين إيدي، بيرجَّع ويتلوَّى من المغص، ودكاترة داخلة، ومحاليل وحقن وأدوية، وبكره الصبح، امتحانه؛ لأنه في بكالوريوس، ودي آخر مادة، طبعًا كده خلاص، مفيش أمل إلا بمعجزة من عند ربنا؛ لأنه رايح والسخونية 40، ألاقي حد حقير كلمني، وبحكيلة أن ابني تعبان وبيموت من المغص وبيصرخ، يطلب الطلب اللي هو عاوزه ويقفل، عاوزه أقول: الله ما يحوج حد لحد، بس بعد الضنى مفيش، وكده حلو قوي.
