نفسي ابني يرجع لحضني تاني.. سيدة تستغيث بالمسؤولين بعد اختطاف زوجها لطفلها
كانت تحمله بين أحضانها منذ ولادته، على أمل تربيته طيلة سنوات حياته، لم تعلم أن زوجها ينتشل من يديها، ليختفي به، وتصبح رنا علاء تدق العديد من أبواب لتعثر على مكان طفلها الصغير، وتعيده إلى حضنها مجددًا.
كل اللي هاممني ابني يرجعلي
أنا اللي هاممني بس ابني يرجع لي تاني، بهذه الكلمات بدأت رنا علاء حديثها مع القاهرة 24، مستغيثة بالمسؤولين، لاستعادة نجلها الصغير من يد زوجها، بعد اختطافه.
وتقول الأم: جوزي أخد ابني مني في شهر أكتوبر 2022، ومن ساعتها اختفى ومش لاقياه.
مش هتشوفي ابنك تاني
وأضافت: تيم يبلغ من العمر سنة و3 أشهر، وفي 8 أكتوبر الماضي، أخذ زوجي طفلي وذهب معه ليتنزه، إلا أنه أرسل لي العديد من الرسائل، قائلًا: ابنك مش هتشوفيه تاني.
وأكدت السيدة أنها توجهت إلى المحكمة، وحصلت على قرار من النيابة العامة، بضم الصغير، متابعة: روحت عشان أستلمه، وأنفذ القرار، على مسكن الزوجية، فوق شقة والدته، لكن لاقيت الشقة مقفولة، وعرفت إنه آخد الأم والطفل وهرب.
وواصلت الأم حديثها قائلة: توجهتُ بإجراء جنحة ضده بامتناع تنفيذ حكم قضائي، وحصلتُ على حكم غيابي بحبسه، لمدة 6 أشهر، في يناير الماضي.
عليه حكميين غيابي
وقالت: الحكم صدر في شهر 1 واحد اللي فات، ولحد دلوقت مش عارفة أنفذه، لأني مش عارفة مكان السكن، والمحكمة بتقولي اعرفي السكن وهنروح ننفذ الحكم.
وأشارت إلى حصولها على حكم قضائي ثانٍ، بغرامة 500 جنيه، مع نفقة وطلاق، بالإضافة إلى سب وقذف، ورد منقولات.
8 شهور مشوفتش ابني
وأكدت الأم: الحكمين متنفذوش عشان مكان السكن اتغير، أنا بقالي 8 شهور مشوفتش ابني، ومش هاممني أي حاجة غير إني أرجعه من تاني، مناشدة المسؤولين: نفسي صوتي يوصل وتيم يرجع لحضني.
