وفاء عامر: قصة كفاحي في الفن تشبه قصة كفاح محمد صلاح في الكورة
شبهت الفنانة وفاء عامر، قصة كفاحها في الفن بقصة كفاح نجم كرة القدم محمد صلاح في الكورة، مشيرة إلى أنها تعجب به بسبب إصراره.
وقالت وفاء عامر خلال لقاءها في برنامج التاسعة، عبر القناة الأولى: بحب محمد صلاح جدًا، وهو من برج الجوزاء زي، وأقول له كل عام وأنت بخير، يبعجبني في محمد صلاح إصراره.. بحس أن فيا كتير أوي من قصة كفاح صلاح… هو مشي من أحد الأندية الكبيرة وقالوا ما ينفعش وأنا مشوني من مسلسل بوابة الحلواني وقالوا ليا مش هتشتغلي وروحت بشنطة هدومي بسبب المنتج الفني لأنه شاف أني مش لايقة على الدور وروحت بيتي مشي.
وأضافت: دائمًا أقول للشباب، أنتم ما شفتوتش اللي شفناه في حياتنا، فجيلنا خاض رحلة طويلة جدا وأنا كفنانة أشعر بالناس جدا، ومطمئنة على الشعب المصري، وأعرف أنهم جدعان وولاد أصول جدا فالست بمئة رجل، والرجل بألف ذراع.
واستكملت: بيتي شكل مصر.. أنا ست زي أي ست مصرية.. ست بيت في الأول والأخر ما يفرش معايا يتريقوا لما بقول رز ومكرونة، هفضل أقول كده، إحنا بنشتغل كفانين ونستنا على فلوسنا مش عندنا الملاين والمليارات ما تسمعوش كلام إحنا زينا زيكم وبناكل زينا زيكم وبنقتصد زينا زيكم، وياما دقت على الراس طبول وهنفضل عايشين من خير بلدنا.
