عمرو أديب يتساءل: هل طريق الساحل الشمالي به أخطاء أم لا؟.. محتاجين رد
علق الإعلامي عمرو أديب، عن شكاوى المواطنين من الطريق الساحلي، قائلًا: حد يطلع يوضح للناس هل الطريق الساحلي به بعض الأخطاء من عدمه، وهل يمكن حل تلك المشكلات، لا تتجاهلوا استفسارات المواطنين حول الطريق.
وقال أديب، خلال برنامجه "الحكاية"، مساء اليوم الأحد، إن رواد الطريق الساحلي يتحدثون عن خطورة على الأرواح جراء سلبيات هذا الطريق، مردفا بـ: "لازم الجهة المنفذة للطريق تخرج ببيان للرد على مخاوف وقلق الناس، وتوضح لنا كيف يستخدم هذا الطريق".
وأكمل عمرو أديب: هل الحاجة لما تخلص هتكون صح أنا معرفش؟ اللي عمل الطريق يقولنا والله يا عمرو الطريق لسه شوية، أو يوضح ويفهمنا.
وأضاف الإعلامي عمرو أديب مقدم برنامج الحكاية: السؤال المهم هو المشروع دا لحد لما خلص محدش شافه؟ يعني السيد رئيس الوزراء كان في العلمين من 15 يوم وأكيد مشي في الطريق، وأكيد كان شايف مفيهوش مشكلة.. فهمونا يا جماعة انتوا شايفين المشروع كويس، لازم يردوا علينا النقل أو الهيئة الهندسية، يقولوا فيه سلبيات أو الطريق لسه مخلصش.
وأوضح أديب: ليس هناك حرج من الخروج ببيان يوضح أن الطريق به سلبيات أو أخطاء وسيتم تلافيها أو تعديلها، دي فلوس الناس وضرائبها، ومن حقهم يعرفوا الرد على أسئلتهم.
