أول تعليق من شريف منير على إلغاء متابعة نجلته أسما بـ انستجرام
نفى الفنان شريف منير، إلغاء متابعة نجلته أسما من على موقع تبادل الصور والفيديوهات إنستجرام، بعدما خمن البعض بأن إلغاء متابعة بعضهما بسبب خلاف عائلي.
وقال شريف منير، في تصريح خاص لـالقاهرة 24، إن ما أشيع عار من الصحة ومجرد شائعات، معبرًا عن استنكاره الشديد من تداول تلك الأخبار والتدخل في الحياة الخاصة للنجوم.
وتبين لمتابعو أسما وشريف منير الأمر، من خلال البحث عن حسابات كل واحد منهما لدى الآخر، إلا أن البحث فشل في إظهار أي نتائج، ما جعل البعض يخمن وجود خلافات بينهما.
في وقت سابق، اعتذر شريف من ابنته أسما، وشارك فيديو لأغنية مدحت صالح وعفاف راضي أجمل بنوتة، بسبب موقف حدث بينهما، وتضمن الفيديو مواقف جمعته مع ابنته وصور وفيديوهات قصيرة مجمعة، وكتب معلقا: “أنا منزّل الكليب ده علشان بصالح أسما.. بنتي وحبيبتي.. لإني كنت مزعلها.. متزعليش مني يا أسما.. أنا فعلًا كنت بايخ.
من جانبها، ردت أسما، كاتبة: هي دي تقريبا علاقتي أنا وأبويا ناقر ونقير، أبويا برج الثور وأنا برج الحمل الاثنين طيبين بس سخنين ومتسرعين، عايزة أحكي لكم على موقف مهم جدا وأثر فيا، مضيفة: أبويا عمل حاجة إمبارح علمتني حاجات كتير أوي، للي ميعرفش كان في سوء تفاهم كدا وكنت زعلت شوية منه، فجأة لقيته منزل ڤيديو عنده على الإنستجرام بيطيب خاطري وبيقولي ما تزعليش قدام كل الناس، طبعا أنا كنت طايرة من الفرحة ونسيت أصلا إني كنت في يوم زعلانة لأنها حركة في منتهى الجمال والحنية والطيبة، وكمان علمتني كتير أوي وده اللي خلاني أحكي الموضوع.
واستكملت: أولا اتعلمت إن الاعتذار بيكبر الواحد جدا عمره ما يصغره، الكبرياء اللي يخلي حد فاكر إنه لو ما اعتذر هو كده جامد ده كلام فارغ، علمني إني لما أزعل بنتي أعتذر لها لو فعلًا غلطانة عشان عرفت قد إيه بيفرق في النفسية ومش عشان إحنا أهل يبقي مش وارد إننا نغلط.
