السيسي عن المراكز الرقمية: مُحصنة ولا يمكن الاقتراب منها.. وتكلفة الواحد 10 مليارات جنيه
قال الرئيس عبدالفتاح السيسي، إن المراكز الرقمية، مُحصنة لا يمكن الاقتراب منها، وتكلفة الواحد بلغ نحو 10 مليارات جنيه.
وأضاف الرئيس السيسي، خلال كلمته منذ قليل، على هامش افتتاحه عدد من مشروعات مصر الرقمية لوزارة الاتصالات وتكنولوجيا المعلومات: لو تواجد 100 ألف دارس عندهم مقومات، هصرف عليهم 12 مليار جنيه.. احنا عاملين اليوم ده للمصريين والدولة المصرية، لنلقي الضوء على أهمية الموضوع ده لمستقبل بلادنا وأولادنا.. من فضلك يا دكتور عمرو خد راحتك وبراحة عشان الناس تعرف عملنا دا، لنقول للناس إذا كنتم بتتكلموا في التعليم، وعايزين تعرفوا التعليم اللي يبقى ليه فُرصة حقيقية لبلادنا وأولادنا في العمل.. اللي احنا بنتكلم عليه اليوم كله معمول لننتبه، ونهتم ونبذل الجهد سواء التعليم أو المبادرات المطروحة أو حتى الى ممكن يتعمل لنعطي فرصة حقيقة للموضوع.
وأكد الرئيس السيسي، أنه لو خرج 100 ألف شخص لديهم إمكانيات، سينفق عليهم 10 مليارات جنيه.
في السياق ذاته، قال السفير بسام راضي، المتحدث باسم رئاسة الجمهورية، إن الرئيس سيشهد إطلاق منصة مصر الرقمية، وكذلك افتتاح عدد من المشروعات عبر الفيديو كونفرانس، مثل محطات إنزال الكابلات البحرية في كل من رأس غارب، والزعفرانة، وسيدي كرير، علاوة على افتتاح مركز البيانات الدولي بالقاهرة، ومدارس المصرية للاتصالات للتكنولوجيا التطبيقية، ومراكز إبداع مصر الرقمية، وتطوير متحف البريد المصري.
