مش هطلقها.. أول تعليق من زوج التيك توكر آمال أبوالمجد بعد فيديو سحله لها في الشارع
خرج أحمد جوبا زوج التيك توكر آمال أبو المجد، بعد نشرها مقطع فيديو يُظهر تعديه عليها بالضرب أمام المارة وسحلها في الشارع، ليوضح حقيقة ما حدث.
سحل التيك توكر آمال أبو المجد
وقال جوبا في تصريحات لـ القاهرة24، إن ماتم تداوله جزء فقط من الحقيقة، مضيفا: ياجماعة أنا مش هتكلم عن الحقيقة، عشان الحقيقة انتم مش شايفينها كاملة، وأنا طالع أتكلم في استوري او اتنين هختصر فيها حجات كتير.
وعن خبر انفصالهما قال: آمال لسة مراتي وأم ابني وعلى ذمتي، وكل اللي انتم شايفينه ده جزء صغير من الفيديو الكامل، وأنا عمري ما هطلق أم ابني، ولا هقدر أعيش بعيد عن ابني يوم واحد، ولا هقدر أعيب حتى فيها بأي كلمة أو أي حاجة، عشان خاطر البيبي اللي هييجي على وش الدنيا ميقولش أبوه أذى أمه، لكن عادي ممكن يقول أمه أذت أبوه، أنا كدة خلصت كلامي وربنا يهدي النفوس.
وكانت استغاثت التيك توكر آمال أبو المجد، عبر استوري بموقع تبادل الصور والفيديوهات انستجرام، من اعتداء زوجها أحمد جوبا عليها بالضرب المبرح في وسط الشارع.
اعتداء جوبا على زوجته بالشارع
والتقطت إحدى كاميرات المراقبة، لحظة تعدي جوبا على زوجته آمال أبو المجد في الشارع، حيث انهال عليها بالضرب وسط حشد من الأشخاص، يحاولون الدفاع عنها.
ونشرت آمال أبو المجد عبر استوري انستجرام، اللقطات التي توضح لحظة تعرضها للتعدي بالضرب، حيث ضربها بشكل مبرح وسحلها في الشارع.
وعلقت على الفيديو: يؤسفني أقولكم إن دا جوزي أحمد، اللي كنتوا كلكوا بتشوفوه بيحبني.. أهو اللي بيحب، شوفتوا الرجولة.. إيه رأيكم؟.
وعلقت التيك توكر في فيديو آخر، في أثناء قيامه بضربها في بطنها: كان عايز يجهض الجنين، مشيرة إلى أنها في الشهر الثالث حيث ظهرت الفيديو وهي تحاول الهرب منه وتستقل السيارة، وهو يجري خلفها للإمساك بها.
وقالت آمال أبو المجد في مقطع فيديو آخر، إنها حررت محضرًا ضد زوجها، وذلك بعد أقل من عام على زواجهما بعد قصة حب دامت أكثر من عامين.
ونشرت عبر استوري انستجرام صورة لها أثناء إصابتها بيديها، معلقة: الست اللي تتسحل وكانت هتسقط في شهرها التالت فين.. أنا كنت مختفية مش حزن لا مرض.
