شريف خير الله: بعت كل حاجة وكنت خايف أنام على الرصيف وتمنيت الموت
تحدث الفنان شريف خير الله عن معاناته طيلة أربع سنوات، مشيرًا إلى أنه مر بظروف قاسية بسبب عدم مشاركته في أي عمل فني ما اضطره لبيع منزله وسيارته، إلى جانب تعرضه لحادث كاد أن يتسبب في وفاته.
وقال شريف خير الله خلال استضافته اليوم في برنامج الستات مع الإعلاميتين سهير جودة ومفيدة شيحة على شاشة النهار: بسبب قلة الشغل، بعت كل حاجة، بعت عربيتي وبيتي وحسيت أني ممكن أنام على الرصيف، لكن كان عندي التزامات تجاه ابني وكنت مدخله مدرسة كويسة لأن حالتي في الأول كانت أفضل بكتير.
وأضاف: حصل لي خبطات كتير في حياتي، وعملت حادثة، ودخلت في غيبوبة، وفقدت الذاكرة، وطلقت مراتي، وكان عندي ثقة في ربنا أنه مش هيسيبني بس في نفس الوقت بقول يا رب كفايا كده عاوز أموت.. وحسيت إن عمري كله اللي اشتغلته في المهنة دي ضاع مني.
كما علق شريف خيرالله، على المنشور الذي أعلن فيه أنه قرر العمل كـ سائق تاكسي، معبرًا عن انزعاجه من فهم كلامه بشكل خاطئ ما أثر فيه بشكل كبير، مضيفًا: الناس حزنت عليا أكتر ما أنا كنت حزين على نفسي.
وأوضح: وأنا بكتب الكلام ده كنت بعيط كنت حزين على نفسي وعلى الأعمال اللي كنت بحاول أتواجد فيها بشكل كويس، حسيت إن عمري كله اللي اشتغلته في المهنة دي ضاع مني، وكان دايما عندي مقولة مش مهم إن الناس تسقفلي وأنا موجود المهم لما أمشي الناس تقول الراجل ده كان بيعمل أعمال كويسة ومحترمة.
