فتى أحلامي شخص أخلاقي ومحدش يرفض تامر حسني.. أبرز تصريحات هدى المفتي مع منى الشاذلي
حلت الفنانة هدى المفتي، في ضيافة برنامج معاكم، الذي تقدمه الإعلامية منى الشاذلي، المذاع عبر شاشة أحد القنوات التليفزيونية، وكشفت خلال لقائها؛ تفاصيل مشاركتها في 3 أفلام هما عمهم، كيرة والجن، وفيلم بحبك، مشيرة إلى أن كل عمل منهم له جمهوره المختلف.
أبرز تصريحات هدى المفتي مع منى الشاذلي
- أستاذ مروان حامد أي حد يتمنى يشتغل معاه لأنه مخرج مختلف.
- أنا بقالي 3 سنوات شغالة على فيلم كيرة والجن.
- المفروض الثلاث أعمال اللي شاركت فيهم كان كل فيلم هيبقى في موسم وبعدين بلغوني أن الثلاث أفلام هينزلوا مع بعض خوفت جدا.
- فيلم عمهم كان من المفروض ينزل في راس السنة وتم تأجيله عدة مرات، واستقرينا على العديد الكبير.
- لما جاء الدور عليا إني اقفز من النيل رفضت الدور بسبب الخوف وبعدين جابولي أدوية البلهارسيا والدودة وعملت الدور، ومحمد إمام خد منه.
- لما تامر حسني طلب مقابلتي علشان فيلم بحبك؛ مكنش ينفع أقوله لأ، لأنه فنان جميل ومينفعش أرفض العمل معاه.
- أول ما اتكلمت مع تامر حسني؛ قالي طلعتي غير كل توقعاتي وفي الحقيقة أحسن.
- الثلاث أفلام اللي عملتهم مؤخرا مختلفين وكل واحد له جمهوره.
- بتمنى يكون فتى أحلامي شخص أخلاقي وروحه الجميلة، ولا أقبل بشخص يقلل مني.
- الناس بتحس إني شخص مخيف شوية يمكن من السوشيال ميديا.
- جتلي كورونا عملت لي غرغرينة في جزء من الأمعاء، واضطريت أعمل عملية استئصال لجزء ده.
