مراد فكري صادق: صداقتي بـ محمد رمضان بدأت قبل فيلم الألماني بـ 6 سنوات.. وسيجمعنا عمل قريبًا
تحدث الفنان مراد فكري صادق، عن الفنان محمد رمضان، وكشف سبب عدم مشاركته في أعماله خلال الفترة الأخيرة، مؤكدًا أنه لا يوجد أي خلاف بينهما.
وقال مراد فكري، في تصريح خاص لـ القاهرة 24، إن علاقته بمحمد رمضان بدأت قبل فيلم الألماني بـ 6 سنوات، موضحا: علاقتي بمحمد رمضان بدأت قبل فيلم الألماني بـ 6 سنين، وهو نجم جميل وأنا متابع كل أعماله وبدأنا النجاح سوا، وموضوع عدم شغلنا مع بعض ده مالوش أي علاقة بالصداقة ومفيش أي حاجة مانعة شغلنا مع بعض، ولكن إحنا عملنا أكتر من عمل مع بعض، ولسة مجاش الورق اللي محمد رمضان أو مخرج العمل يشوفوا فيه مراد فكري.
وأضاف: الحمد لله علاقتنا كويسة جدًا ببعض، ومن أهم الأعمال لمحمد رمضان، أنا شاركت فيها ونجحنا فيها سوا، زي فيلم الألماني، ومسلسل ابن حلال، والمسحورة كان مسلسل إذاعي، وكان في عدد من الأعمال اللي شاركته فيها قبل فيلم الألماني، صداقتنا ترجع لـ سنين وأنا بتمنى له كل خير.
وأوضح مراد فكري: مش شرط إني علشان نجحت مع محمد رمضان، يبقى لازم أكون موجود في كل أعماله، وإن شاء الله في حاجة قريب نشتغلها مع بعض، كنا اتكلمنا أنا وهو من فترة عن مشروع ويارب خير.
مراد فكري صادق
وأكد مراد فكري، في تصريحاته، أنه لا يوجد أي خلاف بينه وبين محمد رمضان، مشيرًا إلى أن الفنانة هالة فاخر وسهر الصايغ وعدد من الفنانين الذين شاركوا محمد رمضان، لم يشاركوه إلا في عمل واحد فقط، قائلًا: مفيش عداوة بيني وبين أي حد وبين محمد رمضان خاصة، أنا ومحمد اتقابلنا في مناسبات كتير جدًا، ومش عارف مين اللي طلع الإشاعة إن في مشكلة بيني وبين محمد رمضان.
