جيهان قمري: عادل إمام قال لي هقطعك بوس في عمارة يعقوبيان.. وما عملش حاجة عيب ولا غلط
استعادت الفنانة جيهان قمري، كواليس مشاركتها الزعيم عادل إمام في فيلم عمارة يعقوبيان، الذي عرض عام 2006، وكيف ساهم في نجاح مشوارها الفني.
وقالت جيهان قمري خلال استضافتها ببرنامج نص الكلام، تقديم الإعلامية راغدة شلهوب عبر شاشة قناة النهار: عادل إمام قال لي هقطعك بوس في عمارة يعقوبيان واستأذنت مراتي، وقبلها كنا معزومين عنده في البيت في رمضان وكان بيحاول يهديني علشان كنت متوترة جدًا لأنهم خوفوني منه وكل مشاهدي كانت معاه، وبعدين لقيته مختلف بيضحك وبيتكلم عادي معانا.
وأضافت: الدور نجح جدًا ومش عارفة عملت الدور ده إزاي كنت سايبة نفسي خالص وكنت بتحرك بعنين عادل إمام، كنت حاسة أني بحلم، والتجربة رائعة وما اعتبرتش أن ده تنازل علشان أطلع مع عادل إمام مقابل أني اتباس، حتى لما الناس قالت اتباستي قلت عادي هو باسني من خدي ما عملش حاجة عيب ولا غلط، ولما قريت السيناريو ما كانش فيه حاجة أوفر وهو اللي اختاراني وقال أسألوها لو توافق.
وتابعت: التجربة كانت مميزة وخلتني في حتة تانية مع أني كنت معروفة وقدمت أدوارا كتيرة لكن التجر بة نقلتني خطوة للأمام.
وردت جيهان قمري على سؤال راغدة شلهوب حول ما إذا كانت سببت لها المشاهد الجريئة في الأعمال الفنية أزمة أو غيرة مع زوجها، قائلة: كل شغلي ما كانش فيه حاجة أوفر، دي طبيعة فيا في حاجات كتير طبعي وبتصرف طبيعي، أنا دلوعة زيادة وغصب عني بيطلع ده في أدائي، وفي مشاهد لما عملت أدوارا صعيدية تعبت علشان ابقى ناشفة، وده كان سببا في فشل استمرار أي علاقة، لأني بهتم بشغلي جدًا ومش بشوف حاجة تانية وبركز في شغلي جدًا وبحب اشغل من قلبي، ممكن حتى صحابي يزعلوا مني حتى ماكنتش بشوف أهلي.
