ناهد السباعي: سبب قِلة أعمالي إني بشتغل مع كاملة أبو ذكري ويسري نصر الله
كشفت الفنانة ناهد السباعي، عن سبب قِلة أعمالها، مؤكدة إنها لا تسعى لكثرة الأعمال ولكن ما يهمها أهمية الدور الذي ستؤديه، مشيرة إلى إنها تنتقي أدوارها بعناية شديدة.
وقالت ناهد السباعي في تصريحات تلفزيونية: الفكرة إني بحب اختار أنا هعمل إيه، زي هبة رجل الغراب هو تجاري جدًا، بس أنا اخترت إني عايزة أعمل التحدي ده، وعايزة أعمل حاجة بعيدة عن الأفلام اللي بعملها، أعمل حاجة للأطفال وللأسرة، وأعمل الحاجة اللي الناس بتحب تشوفها، مش شرط إن اللي يعجبني أو اللي بتفرج عليه يبقى هو ده اللي الناس تحب تتفرج عليه.
وأضافت ناهد، إن سبب قِلة أعمالها هو عملها الدائم من المخرج يسري نصر الله، والمخرجة كاملة أبو وذكري: أنا مُقلة علشان بشتغل دايمًا مع أستاذ يسري نصر الله، وأستاذة كاملة أبو ذكري، هما نفسهم مقلين في أعمالهم، وطالما الدور حلو يبقى هيتشاف وهياخد حقه.
وتابعت: أستاذة كاملة أبو ذكري، أنا رحت لها كاستينج كذا مرة ومكنتش بتاخدني، بالرغم من إني اشتغلت معاها 3 مرات، لما رحت في فيلم واحد صفر قالتلي إنتي مش شبه حاجة عندي، وفعلًا ساعتها كنت صغيرة أوي ومفيش حاجة تناسبني.
ناهد السباعي
تعمل الفنانة ناهد السباعي، في الوقت الحالي على استكمال تصوير أجدد أفلامها بعنوان 19 ب، الذي تدور أحداثه في إطار تشويقي، حيث يعيش حارس عجوز حياة شديدة الروتينية، في ڤيلا قديمة هجرها سكانها منذ عشرات السنين.
ويشارك في بطولة فيلم 19 ب، نجبة من النجوم، منهم: سيد رجب، ناهد السباعي، أحمد خالد صالح، نبيل نور الدين، عبد العزيز مخيون، فدوى عابد، وهو من إخراج أحمد عبد الله.
