كانت تعبانة ومحتاجة حد جنبها.. طبيب شيرين يوجه لها رسالة عبر القاهرة 24: أنتِ قوية لا تلتفتي للماضي
قال الدكتور نبيل عبد المقصود أستاذ علاج السموم والإدمان بكلية الطب جامعة القاهرة، والطبيب الخاص بالفنانةشيرين عبد الوهاب، إنها مرت بمشاكل اجتماعية قاسية، وكان لابد من الوقوف بجانبها.
شيرين مرت بمشاكل اجتماعية قاسية
وأضاف عبد المقصود في تصريحات خاصة لـ القاهرة 24: شيرين مرت بمشاكل اجتماعية قاسية ولا داعي للخوض فيها، وكان ليها تأثير سلبي عليها، وكانت نتيجتها الانعزال عن فنها وعن جمهورها، وهذا غير صحي.
شيرين أيقونة الطرب في مصر
وأكد عبد المقصود، أن الفنانة شيرين أيقونة الطرب في مصر، متابعًا: شيرين كانت محتاجة حد يقف جنبها ويساعدها، كان ممكن يكون أخوها أو صديقها أو طبيبها، كل اللي يهمنا إنها توصل للطريق الصحيح.
وواصل طيبيب شيرين: بإرادتها القوية كانت عاوزة تكون كويسة، لكن مش عارفة الطريق اللي هتطلع منه بسبب المشاكل الاجتماعية، اللي أثرت عليها سلبيًا.
واستطرد: تمكنا من الخروج من عنق الزجاجة، وكانت النتيجة مبهرة، مستكملًا: لما راحت مهرجان قرطاج كانت خايفة أوي، ومكنتش حاسة إنها هتقدر تقف قدام جمهورها، بس أنا كنت شايف غير كده.
مهرجان قرطاج كان قبلة الحياة لشيرين
وشدد قائلًا: قولتلها انتي قادرة وهتقدري تقابلي جمهورك، وهتعملي نجاح كويس، وكانت هايلة وكل العالم العربي اتكلم عن شيرين وربنا كرمها.
وأردف: شيرين ستعود بقوة، وما حدث في مهرجان قرطاج يؤكد أن المهرجان كان قبلة الحياة لشيرين عبد الوهاب.
نصيحة الطبيب لشيرين
وقدم الدكتور نبيل عبد المقصود، نصيحة عبر الـ القاهرة 24 لشيرين عبد الوهاب قائلًا: يا شيرين أنتِ قوية وهتستمري في مسيرة نجاحك، ولاتلتفتي إلى الماضي، كلنا سند ليكي، وكفاية إنك تشوفي الفرحة والحب في عيون جمهورك برجوعك إليهم مرة أخرى.
