محمد نور يعلن مبادرة للصلح بين حمو بيكا والموسيقيين: صعب عليا لما قال نفسي أشتغل
أعلن الفنان محمد نور مبادرته للصلح، بين مغني المهرجانات حمو بيكا، ومجلس نقابة المهن الموسيقية، وذلك بعد أزمته الأخيرة مع المجلس، بسبب اتهامه لهم بالرشوة، وأشار الفنان أنه على استعداد بأن يأخذ بيكا إلى المجلس ويعتذر للمجلس أجمع عن ما بدر منه.
ونشر محمد نور فيديو، عبر حسابه الشخصي بموقع تبادل الصور والفيديوهات انستجرام، وعلق عليه قائلًا: لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه.
وتابع محمد نور: هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع.
وأضاف محمد نور: أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف.
محمد نور وبيكا
واستكمل محمد نور: شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبو اليزيد، وأنا متأكد أنكم هتتعاونو معايا، وده مش جديد عليكو.
