التعقيم ملوش لازمة الفيروس بيطير لوحده.. تفاصيل اتهام زوجة وائل الإبراشي لطبيب بالتسبب في وفاته| خاص

كشفت التحقيقات في قضية وفاة الإعلامي وائل الإبراشي، اتهام زوجته لـ الطبيب المعالج في التسبب عن طريق الإهمال في الوفاة، والكواليس التي دارت بين الطبيب وزوجها أثناء فترة تواجد الأخير في العزل الصحي.

التحقيقات في قضية وفاة الإعلامي وائل الإبراشي

وذكرت التحقيقات في وفاة الإعلامي وائل الإبراشي التي ينفرد القاهرة 24 بنشرها، أن زوجته قالت: أثناء مكالمة مع زوجي طلبت منه إن هو يعمل تعقيم للأماكن اللي حواليه في البيت، علشان يخف من حدية الفيروس، فهو قالي إن الدكتور دا رافض، وبيقول الكلام دا ملوش لازمة، الفيروس بيطير لوحده فطلبت منه إني أكلم الدكتور وهو خلاني أكلمه وساعتها قلتله نفس الكلام وهو رد عليّ بنفس الرد، وقال متخافيش من حاجة أنا حوّلت البيت مستشفى وجبتله كل الأجهزة الطبية.

وأكملت زوجة وائل الابراشي: يوم 30/ 12/ 2020 لاحظت إن وائل لابس ماسك أكسجين، عرفت بعد كده إن اسمه بروسفوار وهو بيكلمني فيس تايم، فسألته إيه السبب فقالي إن الدكتور هو اللى قاله البسه علشان حالته تتحسن أسرع، لكن حالته اتدهورت جامد.

 والدكتور قال لمساعده إلحقنى الحالة اتدهورت مني فساعتها قاله أنت حدد ايه المطلوب يتعمل فقاله لازم يتحجز في مستشفى، وساعتها لما طلع الدكتور لوائل وبلغه بكدا، وائل عمل اتصالاته وجات له الإسعاف ونقلته لمستشفى الشيخ زايد لأنها الأقرب للبيت لأن حالته كانت خطرة والأكسجين كان نزل لمستوى 40.

زوجة وائل الإبراشي: الطبيب أقنعه أن بروتوكول وزارة الصحة رخيص وهناك علاج أفضل لكن أغلى| تحقيقات

رئيس لجنة مكافحة كورونا عن وائل الإبراشي: وجدته في حالة سيئة وضيق شديد بالتنفس | انفراد

وأضافت زوجة الإعلامي وائل الإبراشي في التحقيقات: الإسعاف وصلوله أكسجين في البيت قبل ما ياخدوه في الإسعاف وبعدما وصلوه المستشفى ودخل الظهر يوم 1 / 1 / 2021  ومستوى الأكسجين كان 50 ودا عرفته من الدكتورة اللي استقبلت الحالة في المستشفى وفضل محجوز هناك واللي كان بيتابع حالته هو الدكتور حسام حسني وعرفت منه إن حالة الرئة كانت سيئة جدًا، وأنا كنت بدأت أحاول أنزل مصر من يوم 27/ 12/ 2020  عشان كنت قلقت على وائل ومعرفتش أنزل من اليونان بسبب الإجراءات الاحترازية هناك غير يوم  5 / 1 / 2021 .

وفاة الإعلامي وائل الإبراشي

وتابعت زوجة الإعلامي وائل الإبراشي: ولما نزلت من السفر قالولي متدخليش البيت غير لما يتعقم وفعلًا تم تعقيم البيت ولما دخلت يوم 7 أو 8 / 1 / 2021  لقيت ورق، كتير مكتوب بخط الدكتور ده موصوف فيه جرعة كورونا قرص كبير وقرص صغير ولقيت كمية ما مطفية في الطفايات وفناجين القهوة كبيرة جدا.