محمد عطية: أطالب بمحاسبة المسؤولين عن الكشف على عذرية نيرة أشرف.. ولست مع حكم إعدام القاتل
تحدث الفنان محمد عطية، عن قضية الطالبة نيرة أشرة، معربًا عن غضبه بشأن إعلان عذريتها، مطالب بمحاسبة المتسبب في إعلان الأمر.
وقال محمد عطية في تصريحات تلفزيونية: الرجل الشرقي بيروح يجيب واحد متحررة وعايز يغيرها، طيب ما تروح تجيب واحدة شبهك من الأساس.
وتابع: اللي حصل في موضوع نيرة أشرف التشريح ده موجود في كل جرائم القتل، لكن إعلان فكرة هي عذراء ولا لأ، دي حاجة المسؤولين المفروض يحاسبوا المتسبب عليها جدًا، لأن دي بتعكس إزاي المجتمع بيحكم على على المرأة أو القتيلة من خلال شرفها اللي بيتمثل في علاقاتها الجنسية.
وأضاف: طب ليه الست عندها شرف والراجل لأ؟ مش فاهم، هل علشان الرجل معندوش علامة إنه فقد عذريته هل كده لم يفقد عذريته؟.
أوضح محمد عطية، أنه مع المساواة بين الرجل والمرأة قائلًا: العذرية ليست دليل على شرف المرأة ولا على علاقتها الجنسية ولا أكلها ولا شربها، أنا مع المساواة 100% الل يطبق على الراجل يطبق على البنت.
واستكمل: أنا مش مع حكم الإعدام على قاتل نيرة أشرف، ولا مع إذاعة تنفيذ الحكم، يعاقب بالمؤبد ويضيع عمره وهو بيعذب في السجن، أنا عندي مبدأ إنه لا يجوز إني أنجرف وراء عواطفي وأبقى شخص مشابه للشخص اللي ارتكب الجريمة لأني هبقى زيه في وقت من الأوقات، لو حد تعرضلي بأي شكل ورديت له بنفس الفعل بتاعه هبقى زيه، أنا في الأخر في هذا العالم الغريب لازم الواحد يحافظ على إنسانيته على قد ما يقدر.
