ويجز: أغنية البخت نقلة نوعية في حياتي.. ومش كل المصريين بيفهموني
حلّ مطرب الراب ويجز ضيفًا على أحد برامج الراديو، كاشفًا عن كيف أثرت أغنيته البخت في طريقة اختياره لأغانيه مشيرًا إلي أن ليس جميع المصريين يستطيعوا فهم كلام أغانيه.
وقال ويجز خلال إحدى القنوات الإذاعية عبر موقع الفيديوهات يوتيوب: مش كل المصريين بيفهموني، وفي 2 أو 3 من جيلي على الأقل عاشوا اللي أنا عشتوا، ومش كل الناس عاشت بنفس الطريقة، والزمن بيتغير، الناس اللي عندها 50 سنة، أسلوب حياتهم مكنش نفس أسلوب الحياة دلوقتي.
وتابع ويجز حديثه عن نجاح أغنية البخت، وكيف أثرت عليه في اختياره لأغانيه، حيث أوضح: علشان أنا بسمع كل حاجة، ومعنديش مشكلة أعمل شوية تنويع في الأغاني، والبخت تعتبر النقلة النوعية في حياتي علشان الكلمات، وعلشان بعيدة عن الراب، والراب أغنية برتم سريع، بحاول ألخص كل حاجة في 3 دقائق، بس في أغاني تانية بتتكلم عن حاجات أخرى مثل البنات، وأنا معنديش مشكلة أقول أي حاجة الصراحة.
ويجز: بسمع حاجات مختلفة لأغاني جديدة.. ومش بنحصر في الراب
وعن طريقة كتابته لكلمات أغانيه، اختتم ويجز حديثه قائلًا: الموضوع مش صعب خالص، والعملية بتيجي من كتر ما أنا بسمع حاجات كتير مختلفة، وبعمل أغاني كذا حاجة، ومش بنحصر في أغاني الراب.
أخر أعمال ويجز
وكانت آخر أعمال مطرب الراب ويجز هي أغنية أميرة التي أصدرها بالتعاون مع الموزع الموسيقي أش، وحققت الأغنية نجاحًا كبيرًا، وتصدرت تريند مواقع التواصل الاجتماعي.
