لا يمكن نشيل مقابر شخصيات نحترمها ونقدرها.. أول تعليق من الرئيس السيسي على التراجع عن إزالة مقبرة طه حسين
نشر الموقع الرسمي لرئاسة الجمهورية، فيديو لجولة الرئيس عبدالفتاح السيسي، لعدد من المحاور والطرق بالقاهرة الكبرى.
وقال الرئيس عبدالفتاح السيسي، إن الدولة حررت وسهلت الحركة في شرق القاهرة، ثم انتقلنا لرمسيس وباب الخلق وشبرا الخيمة، وقولنا هنحاول نيسر الحركة في القاهرة شرق وغرب، اللي هو بنعمله دلوقتي في الهرم والجيزة والشيخ زايد.
وتابع الرئيس: بنعمل كده عشان حجم الحركة داخل الكتلة السكانية الضخمة، بحيث اللي يخرج يخرج بسرعة يخفف الضغط على المنطقة السكنية مع الوضع في الاعتبار أن إحنا مش ساكتين.
ولفت الرئيس: إلى ما يحدث في شارع 9 بالمقطم، قائلًا: أنا عارف أنو صعب أن إحنا نشيل حاجه فيه، ولكن على الأقل نحسن المساحة فيه، ثم بعد كدة لما نخلص محور ياسر رزق والكورنيش، وبالمناسبة أنا سعيد جدا أن أنتوا بتعملوا تكسيات الخرسانة دي عشان الانهيارات بعد كده رغم إن دي تكاليف كبيرة جدًا.
وأكمل الرئيس: أي حاجة بنعملها هنا بنعملها على أعلى مستوى، عشان في النهاية، نخفف آثار التلوث، والدولة اشتغلت في المشاريع دي من بدري قوي، ومئات الكباري والطرق اللي بتتعمل في كل حتة في القاهرة عشان نخفف الزحام بتاع الـ 20 مليون بالمنطقة.
وتابع الرئيس أن الهدف من إنشاء تلك المحاور، تخفيف الحركة، ويهمني أقول لكل الناس اللي بتسمعني اللي ليهم تواجد على محور الحركة سواء كانت مقابر لشخصيات إحنا بنحترمها ونقدرها، أو ذات آثر تاريخي، أنا بقول الكلام ده عشان الكلام ده أنا بشوفه وبسمعه، بيقولك هيشولوا المقبرة بتاع فلان، لا يمكن أبدا نشيل أماكن أثرية أو مقابر لشخصيات بنحترمها ونقدرها بنعالج ده بكباري، ومش عايزين ندي حد الفرصة يشوه اللي إحنا بنعمله.
