خاص لـ القاهرة 24
منة الزوجة الأولى لـ هشام ربيع: رفضت زواجه من بوسي لأني مش متقبلة وجودها.. راح مطلقني تاني يوم
كشفت منة محمد، الزوجة الأولى لـ هشام ربيع زوج المطربة بوسي، تفاصيل عودتها له وخلافها مع بوسي، مشيرة إلى أنها لم تقبل بوجود زوجة ثانية في حياتها.
وقالت منة في تصريح خاص لـ القاهرة 24: لم أتقبل وجود بوسي كـ زوجة ثانية في حياتي، هو فيه ست بتقبل ضرة؟ وأنا منفصلة بسببها وفي خلافات مستمرة مع زوجي من بداية علاقته بها، وهو فاجأني وقالي هتجوز بوسي وأنا رفضت قام مطلقني وهو طلقني يوم الخميس وراح أتجوزها السبت.
وواصلت منة: أنا كنت عارفة بـ علاقتهم لأنها اتطوروا في الفترة اللي كنت على خلاف فيها مع هشام وكنا بنتخانق بسببها، وموضوع أننا من منطقة واحدة دا لأننا من الشرقية، ولكن أنا ولا أعرفها ولا هي تعرفني ومش بتعامل معاها من الأساس وهشام رجع لي وهي كانت رافضة وطالبة الطلاق منه وبتقول له يا أنا يا هي.. وهو أقنعني أرجع له عشان الأولاد ووعدني إنه هيطلق بوسي ولحد دلوقتي مفيش حاجة ولا طلقها.
وأضافت منة: بوسي بتقول لـ هشام طلق مراتك الأولى تاني زي ما طلقتها المرة الأولى.. ولو هو عمل كدا وطلقني تاني هتكون المرة الأخيرة، وهتقبل أن ربنا مش كاتب لنا النصيب وهو أختار طريقة وأنا كنت عارفة أن فيه ست في حياته لأنه كان متغير معايا، وحد قالي أنها بوسي ومعرفش اتعرفوا على بعض إزاي.
