فريدة سيف النصر لـ القاهرة 24: ما تجوزتش بعد طلاقي.. الولد يتكسر لو لقى راجل غريب مع أمه
كشفت الفنانة فريدة سيف النصر سبب عدم زواجها رغم طلاقها منذ أكثر من 30 عامًا، مشيرة إلى أنه تقدم للزواج منها الكثير لكنها رفضت لأنها كانت ترى أنه لا يصح أن تتزوج ولديها ابن.
وأضافت فريدة سيف النصر لـ القاهرة 24: أتقدم لي ناس كتير بعد طلاقي لكني رفضت، لأني كان معايا ابني صغير، لما يكبر يتكسر لما يلاقي حد غير أبوه معايا، وإحنا صعايدة، ولو روحت الشغل وابني في البيت إيه اللي يعرفني الراجل يطلع إيه ممكن يعلم ابني المخدرات أو يطلع شاذ.
اللي عملته مش تضحية لكن واجب
وأضاف: ما يصحش أجيب راجل غريب ومعايا ابن، واللي عملته مش تضحية ده واجب.. أمال النبي قال ليه أمك ثم أمك ثم أمك، واللي يخفلوا لازم يستحملوا، أومال بتخلفوا ليه ما تخلفوش أحسن، لكن مش كل الناس تفكيرها زي التاني، وكل واحد حر، وأنا شخصيتي قالت لي أن ابني فوق أي شيء، وبعد كده بنعجز والشغل بيروح وكل حاجة بتروح ومش هيفضل غير ابني.
وتابعت: مش شايفة أني ضحيت أو أني ما عشتش حياتي لأن ابني هو حياتي إيه التضحية في كده، وامتنعت عن شغل كتير وسفريات علشان خاطر ابني ولما كنت بسافر كان بيكون معايا هو ووالدتي اللي كنت خدامة تحت رجليها، والحمد لله جوزت ابني وجاب لي بينتين بربيهم معاه.
