أحمد برادة عن تصدر أغنيته التريند بعد 18 عامًا: عمري ما هفكر أغني تاني
تصدر اسم الفنان وبطل الاسكواش العالمي أحمد برادة تريند محركات البحث على جوجل بعد لقائه أمس في أحد اللقاءات التليفزيونية أمس، وحديثه عن تجربته في فيلم حب البنات وأغنيته الشهيرة نسيني وأنا جبنك، التي تصدرت محركات البحث أيضًا بعد 18 عامًا من طرحها وعرض الفيلم.
وقال أحمد برادة في تصريحات لـ القاهرة 24: شكرًا لمشاعر الجمهور وحبهم الكبير، ولكني مش بفهم في التريند نهائي، ولا أتابع السوشيال ميديا كل وقتي للشغل بس.
وعن إمكانية عودته للغناء مرة أخرى، قال مش عندي وقت للغناء أنا صناعة بس، ومش ممكن أفكر أرجع أغني تاني.
وكشف أحمد برادة أمس العديد من الأسرار حول في حياته المهنية والخاصة، المهن التي عمل بها وسبب تركه للتمثيل، إضافة إلى حديثه عن تفاصيل اتجاهه إلى عالم البيزنس والمقاولات.
وأكد برادة أنه لم يجد نفسه مع التمثيل، لكنه أحب المزيكا فقط، مضيفًا: أنا بحب السرعة والإنجاز لكن إني أعيد مشهدا صعبا بالنسبة لي علشان كده مالقتش نفسي في التمثيل.
وتحدث عن كواليس فيلم حب البنات، مشيرًا إلى أن ليلى علوي هي من رشحته للمشاركة فيه، ه، مضيفًا: الفيلم كان مقبولا ولذيذا وتجربة ربنا وفقني فيها، ومش عارف ليه الناس حبت أغنية نسيني وأنا جنبك، وبزعل أن الناس بتفتكرني بحب البنات مش بالإسكواش.
وتطرق برادة للكشف عن كواليس الحب في حياته لافتًا إلى أنه قرر ألا يتزوج مرة ثانية ويعيش لابنتيه فقط، وأن الحب أصبح بالنسبة له هو النجاح، مضيفًا: عايش لوحدي أنا وبناتي وأمي وربنا كرمني ببنتين هما أعظم بنتين بالنسبة لي وحياتي كلها ليهم ومبسوط وأنا معاهم وبكون مضايق لما يروحوا النادي، وهما الحمد لله متربيين كويس، ومش هتجوز تاني.. ربنا عمل لي كل حاجة ومش عاوز أكتر من كده.. مش عارف يعني إيه حب وما بقتش عاوزه ومش بفهمه خلاص، موضوع الحب قفلته من5 سنين وخلصت المواضيع ما عنديش حد تاني في حياتي.. ما عنديش وقت.. ربنا بياخد من حتة ويدي من حتة تانية كتير جدًا فوق ما تتصوري، وحبي بقى للشغل والنجاح ونفسي ربنا يقف جمبي أني أعمل حاجة كويسة لبلدي.
