بدرية طلبة عن سر جمالها: أجريت 6 عمليات تجميل في وجهي
كشفت الفنانة بدرية طلبة خضوعها لـ 6 عمليات تجميل في وجهها، بعد ظهورها بإطلالة شبابية في أحدث ظهور لها.
وقالت بدرية طلبة في تصريحات تلفزيونية، إنها خضعت لـ 6 عمليات تجميل وبدأت من عملية البوتوكس، معلقة: البوتوكس أمر مفروغ منه وكل الستات بتعمله عشان الخطوط الوجه.
وتابعت بدرية: أجريت عملية فيلر تحت العين لأني كنت بعاني من هالات سوداء تؤدي إلي المرض وبعد كده سحبت الفيلر لأن عينى تعرضت للإصابة.
وأضافت بدرية: عملت عملية شد جفون بسبب زيادة هالات سوداء، ومن ثم عملية ميكروبيلدنج في الحواجب وده نص ستات مصر بتعمله، وقمت بعملية زيادة شفايف لأن كان نفسي يكون عندي شفايف منفوخة، وبفكر الفترة الحالية أعمل عملية شفط دهون من البطن لأن وزني زاد.
نصيحة بدرية طلبة لستات البيوت
وعبرت بدرية طلبة في وقت سابق عن استنكارها الشديد من بعض السيدات اللاتي ينشرن مقاطع فيديو، تحت عنوان روتيني اليومي، عبر مواقع التواصل الاجتماعي، قاصدات تحقيق مشاهدات عالية من خلال تقديم محتوى مسيء من خلال تعمد ارتداء ملابس مكشوفة وتقديم محتوى غير هادف.
وقالت بدرية طلبة لـ القاهرة 24: دول مش ستات بيوت دول مسخرة، حاجة صعبة وعيب، أنا أعمل الروتين اللي يعجبني في بيتي ما طلعش أوري روتيني لحد ساعات بنشتغل في بيتنا واحنا لابسين براحتنا لكن مش هنطلع كده قدام الناس، ومعظم التعليقات بتشتمهم ومع ذلك بتعليهم.
