حلمي بكر: الريادة ضاعت بسبب 3 وزارات.. والهرم مالوش لازمة أهدموه | فيديو
أعرب الموسيقار حلمي بكر عن سعادته باستمرار مهرجان الموسيقى العربية للدورة 31، مشيرًا إلى أن لولا وجوده لكانت الساحة الغنائية متغيرة كل البُعد.
وقال حلمي بكر خلال كلمته في المؤتمر الصحفي لمهرجان الموسيقى العربية، المقام منذ قليل في دار الأوبرا المصرية: هذا المكان الذي لولاه ما كنا نملك آذان
ودانا دلوقتي بقيت في عنينا، طب الحكاية هتستمر لأمتى؟ تخيلوا بعض القنوات تستضيف الناس دي وكأنهم بيروا الفرع الميت من الشجرة، طب إلى متى؟
وأضاف حلمي بكر: العرب بيجولنا يحضروا الحفلات ليه؟ عشان فيه حاجة اسمها ريادة.. أين الريادة؟.. مين المسئول؟ هيزعلوا مني كتير.. 3 وزارات الثقافة والسياحة والإعلام.. الإعلام يجب أن ينشر حفلات زي حفلاتنا دي في كل القنوات ويذيعوها.. حفل زي ده السياحة المفروض تنتشر فيه.. حفل زي ده فيه أصوات كتير لازم تطلع من قصور الثقافة وتجيلنا.. لكن بطلنا وأولادنا الصغيرين بطلوا يروحوا الورش.
وتابع: مش عايز أقول إن لولا إقامة هذا المهرجان واستمراره لـ 31.. ما كان زمانا قاعدين هنا.. كان زمانا علي جزرة وإبراهيم فجلة وعلي كرات.. فاهميني ولا بقول كلام تخريف.. يجب أن نستيقظ بدري قبل ما نسمع هذه الأغاني.. مش بقول نمنع.. ولكن نكتر من الأغاني الحلوة.
وأردف حلمي بكر: دلوقتي الطفل بيقول علي موزة.. إذن هد الهرم مالوش لازمة.. هرم الغناء هو مهرجان الموسيقى العربية.. نؤكد هذا وندعم هذا ورجال الإعلام ورا المهرجان.. فيه راعي موجود دلوقتي في الدورة الـ31 كان لازم يجي من زمان.. العالم كله شغال على سبونسرز اللي بيدعموا المهرجانات وأي مهرجان في العالم في سبونسرز.
