توقف العلاج البديل للطفلة سيلين المصابة بالضمور العضلي.. والأم: الحل الوحيد الحقنة
قالت رضوى حمدي، والدة الطفلة سيلين أيمن، المصابة بالضمور العضلي الشوكي، إنه تم وقف العلاج البديل لها.
وقف العلاج البديل لسيلين
وأضافت الأم في تصريحات خاصة لـ القاهرة24: العلاج البديل لسيلين اتوقف، وحالتها متدهورة جدًا، والحل الوحيد أنها تاخد الحقنة بأسرع وقت.
وأوضحت رضوى، أن العلاج البديل يتكلف نحو 720 ألف جنيه سنويًا، وهي أخدت منه 3 جرعات بس، منوهة: ده دواء بديل للحقنة عشان يساعد في تقليل تدهور حالتها، لحد ما تاخد الحقنة.
وفي سياق متصل، أعلنت الصفحة المسؤولة عن حملة التبرع للطفلة سيلين، إن العلاج البديل للطفلة تم إيقافه.
وقالت عبر منشور على الفيس بوك: المكان اللي بيوفر لسيلين العلاج البديل لحد ما نوصل لتمن الحقنه للأسف بلغوهم النهارده، أنهم مش هيصرفولها تاني ومفروض كانت تاخد الدواء ده خلال كام يوم.
أخدت 3 جرعات منه
وأضافت الصفحة: يعني حتي العلاج البديل الأرخص للأسف اتمنع عنها بشكل رسمي بعد ما كانت أخدت 3 جرعات منه، والدواء ده بالمناسبة بيتاخد مدى الحياة، وتكلفته السنوية من 660 لـ720 ألف جنيه علي حسب السعر المتعارف عليه، ما بين 55 ألف لـ 60 ألف شهريا، ولكنه مدى الحياة وطبعًا بنكلم الأم منهارة.
تدهور الحالة الصحية لسيلين
وتابعت: سيلين دلوقتي بعد ما العلاج البديل أتمنع عنها مبقاش قدامها فرصة غير الحقنة، بما أن البديل مش متاحة خلاص بشكل رسمي، سيلين خدت فرصة بتجميع تمن الحقنه اللي بتتاخد مرة واحدة بحقن جين سليم في جسمها.
وواصلت الصفحة: الـ 3 علاجات مهمين، ولكن دلوقتي متوقع الوضع الطبي يسوء أكتر، لأنها مش هتقدر حتي تاخد أي علاج لحد ما يتوفرلها الحقنة.
واستكملت: خلونا نلحقها عشان نقدر نكمل بعد كده، مع باقي الحالات اللي نتمني إننا نقدر نوفر لهم العلاجات البديلة، معقبة: وصلنا 20 مليون وفاضل لسه 20 ودخلنا مرحلة للأسف صعبة جدًا، ادعو لها تتحمل.
