حرق عضوه الذكري.. سيدة تتهم طبيبًا بمستشفى خاص بالمعادي بالتسبب في عاهة مستديمة لنجلها | تحقيقات
اتهمت سيدة تدعى ياسمين، أحد الأطباء ويدعى ج. ف، استشاري الجراحة والمناظير مالك أحد المستشفيات بمنطقة المعادي، بالإهمال الطبي، وذلك أثناء إجراء عملية ختان لنجلها علي خالد؛ لتسببه في حرق عضوه الذكر والخصية؛ مما أصابه بعاهة مستديمة.
سيدة تتهم طبيب بإصابة نجلها بعاهة مستديمة بمستشفى خاص بالمعادي
وحصل القاهرة 24 على التحقيقات في القضية التي حملت رقم 6437 لسنة 2022 إداري المعادي.
وقالت والدة الطفل أمام جهات التحقيق: اللي حصل إن ابني علي عنده 6 سنوات، ومكنش لسة عمل عملية الطهارة لعضوه الذكرى، فتواصلنا مع طبيب يدعى ح.ش، باعتباره طبيب النساء اللي كان أجرى لي عملية الولادة، وهو صاحب مستشفى خاص بالمعادي، عشان نعمل عنده عملية الطهارة في المستشفى.
وأضافت والدة الطفل في التحقيقات: تم تحديد يوم 2022/9/7 لاجراء العملية، ورحنا بابني اليوم ده المستشفى، واللي عمله العملية هو دكتور اسمه ج. ف، وبعد دخول ابني العمليات، فوجئت إنه اتأخر جدا وفضل في العمليات أكثر من ساعة، والمفروض إن عملية الطهارة مش بتاخد كل الوقت ده.
وأضافت والدة الطفل: الدكتور ج. ف خرج من غرفة العمليات، وقالي إنه غلط وهو بيعمله العملية بجهاز الكي، وحصل حرق في العضو الذكري والخصية عند ابني علي، وبعدين فضلنا متابعين الحالة في المستشفى لحد ما تم تشخيص حالته إنها حرق من الدرجة الثالثة، وده ممكن يسبب له عاهة مستديمة في عضوه الذكرى، ويؤثر على قدرته الجنسية.
وتابعت والدة الطفل: وبعدين وديناه مستشفى تاني، قالوا إنه لازم ياخد جلسات مؤثرة طويلة عشان يتعالج، بس قالوا لنا برضه إن اللي حصل ده ممكن يعمله عاهة مستديمة في عضوه الذكري طول عمره، وهو حاليا موجود لسة في المستشفى بيتعالج لحد دلوقتي، وأنا بتهم الدكتور ح. ش صاحب المستشفى، والطبيب ج. ف استشاري الجراحة إنهم تسببوا لابني في عاهة مستديمة بسبب إهمالهم.
