صفاء جلال: بعمل عمليات تخسيس ونحت لأن الناس بتتخض لما تشوفني

تحدثت الفنانة صفاء جلال عن بعض العمليات التي خضعت لها من أجل التخسيس، مشيرة إلى أنها خضعت لعملية نحت قوام في السابق.

وأضافت صفاء جلال خلال لقاء تلفزيوني: بعد سن الأربعين قابليتك للنزول الوزن بتكون قليلة علشان كده بحاول ألحق نفسي واشتغل على نفسي وأروح الجيم وأعمل عمليات، وعملت عملية نحت من فترة، لأني كنت تخنت بشكل كبير وبعد فترة سبت نفسي وتخنت تاني وخدت كبسولة المعدة علشان كنت بأكل كتير وعندي مشكلة في الأكل بليل وخسيت 15 كيلو وبكمل دايت وبروح الجيم.

وتابعت: مجهود كبير على أي ست بذات الستات اللي عدت 45، ولكني بعمل ده لأن الناس بتتخض لما تشوفني على الرغم من أنه عادي أني أتخن لأن أنا ست من حقي آكل وأشرب، لكن الناس متعودين عليا أني رفيعة وفي جميع أعمالي اللي قدمتها كنت 63 كيلو وطول الوقت بحاول على قد ما أقدر أوصل لشكل معين الناس تتقبله.

واستكملت صفاء جلال: لما تاخدي قرار بتتحملي مسؤولياته بكون عارفة أني هتعب بعد العملية، ولكن مافيش حد هيلجأ لحاجة صعبة إلا وهو محتاجها.

وأكدت صفاء جلال أنها لم تخضع لعمليات تغير من شكلها، قائلة: مش بغير شكلي لكن شكلي هو هو من بدايتي حتى الآن، لكن بضطر أعمل بوتكس وفيلر خفيف من غير تغيير، وبأكد على الدكاترة أني أكون زي ما أنا لكن بحاول أشيل شوية من التجاعيد.

عمرها الحقيقي 

في سياق متصل، كشفت صفاء جلال عمرها الحقيقي مشيرة إلى انها أتمت 49 سنة، مؤكدة أنها لا تخجل من ذكر عمرها الحقيقي: عشت كل مرحلة عمرية بحلوها ومرها.

صفاء جلال: الزعيم عادل إمام قالي خليكي مبسوطة عمرك ما هتكبري