بيقولى أختى هى ربنا.. أول تعليق من الزوجة التي ظهرت في فيديو السقوط من “بلكونة” شقة في فيصل

قالت سارة مجدى، الزوجة التي انتشر فيديو لها على مواقع التواصل الاجتماعي، ظهرت فيه وكادت أن تسقط من البلكونة لولا تدخل الأهالي، إنها هي من قامت بإلقاء نفسها من الشرفة بسبب المشاجرات التي تنشب بينها وبين زوجها دائما.

وقالت سارة، فى مداخلة هاتفية لبرنامج مساء dmc، والذى تقدمه الإعلامية إيمان الحصرى، إنه متزوجة منذ حوالى سبع سنوات، وكان عمرها 19 عاماً، وهى الآن تخطت الـ26 عام، قائلة:”متجوزاه بقالى كتير واخته بتدخل فى حياتى كتير جداً، وكل شوية ياخد منى بناتى، وقولت أعيش عشان خاطر عيالى.

وتابعت سارة:”كنت عند عند والدتى ليا فترة كبيرة من سعت ما ولدت البنت التانية، وكل شوية يقولى خليكى شوية، وأنا عند والدتى وعيالى بيحتاجوا مصاريف، والناس لما تشوفنى تقولى مش بتروحى ليه بيت جوزك، وهوا بيكلمنى بقرف واسلوب وحش”.

وأضافت سارة:”ووالدتى بعد ما سافروا اخته اتصلت وقالت ابعتى البنت قولت هبعته اول ما البنت راحت هناك حصلت مشادة كلامية بينى وبين اخته وهددتنى قالتلى هخليكى مش هتشوفيهم واخته بتتدخل فى كل حاجة، وقبل كده قلى ايوة هى ربنا ورحنا فى ايدها، وهو بيقول كده عشان هوا شغال عندها”.

واستكملت سارة:”قلى اعتذرلها رغم انى مغلطتش فيها عملت فطار الصبح وقام مزعقلى، وكنت بهزر معاه ومافيش اى حاجة قولتله انت ليه بتزوق كده راح ضربنى جامد، فقولته لما انتى كرهنى كده طلقنى وراح جرجنى وقلى اطلعى بره، فروحت ارمى نفسى من البلكونة، وهما عايزين يحرمونى من عيال وقبل كده اتصلت على قسم الهرم عشان ينقذونى منه”.

تفاصيل الواقعة

أكدت مصادر أمنية بمديرية آمن الجيزة، بأنه يتم حاليا فحص الفيديو المتداول عبر مواقع التواصل الاجتماعي لإنقاذ سيدة حاول زوجها إلقائها من “البلكونة” فى شقة سكنية بفيصل وجاري ضبط المتهم.

وتجري المباحث تحرياتها بشأن الواقعة للتوصل إلى هوية الزوج الذى ستكون أبرز التهم المنوسبه اليه ” الشروع فى القتل.

وبحسب شهود عيان من أهالي المنطقة فإنَّ الزوج حاول إلقاء زوجته من شرفة الشقة، وأنقذها أهالي المنطقة.

وقال الجيران إن المواطن وزوجته متزوجين منذ شهر ونشبت بينهم خلافات بسبب المصاريف.

شاهد.. زوج يلقى بزوجته من البلكونة فى فيصل بعد شهر زواج (فيديو)