تامر حبيب: مفيش مثل قدامي يفتح نفسي إني أتجوز.. وفيلم عمرو دياب هيفضل مؤجل طول العمر
تحدث السيناريست والكاتب تامر حبيب عن أعماله الفنية وأقرب عمل فني له، وعن حبه ودعمه للفنانة شيرين عبد الوهاب، وذلك خلال أحد اللقاءات التليفزيونية.
أبرز تصريحات الكاتب تامر حبيب
ـ لو هختار عمل واحد يعيش طول العمر هو فيلم عن العشق والهوى.
ـ بشوف إن الزواج مؤسسة اجتماعية فاشلة.. ومفيش مثل قدامي يفتح نفسي إني أتجوز.
ـ ندمت على مسلسل لعبة النسيان.
ـ لو هختار بطلة تكون بطلة أفلامي الجاية كلها هيكون منى زكي ومنة شلبي.
ـ إني أرقص أو ألبس حلق أنا حر ما لم أضر.
ـ عرض إيناس الدغيدي لي بالزواج كان إفيه ومش بجد.
ـ جابب أكون مسلي لدى الجمهور.. وأجمل جملة كتبتها في حوار هي احنا بنكبر ولا ايه في فيلم سهر الليالي.
بعز شيرين عبد الوهاب جدًا وبكيت نص ساعة لأني بعزها جدًا.. وبشوف إنها موهبة مش هتكلم عن ضخامة موهبتها.
ـ كلنا محتاجين نروح للطبيب نفسي وبكتئب كتير.
ـ فيلم عمرو دياب هيفضل مؤجل العمر كله.. بيخرج عن أسباب خارج إرادتي، وعمرو دياب متردد وبينشغل في حاجات، ولكن ابتدينا شغل في العمل.
ـ بعد فيلم سهر الليالي كانوا بيقولولي إني قاسم أمين محرر المرأة.. وفيلم تيمور وشفيقة كان واقعي وفي رومانسية كتير.
ـ العمل اللي كنت أتمنى أني أكتبه هو فيلم بحب السيما بطولة الفنانة ليلى علوي.
